استانا. 17 تامىز. بۇگىن قازاقستان رەسپۋبليكاسى قورعانىس مينيسترلىگىنىڭ قۇرمەتتى قاراۋىل روتاسى 3 قىركۇيەكتە قىتايدىڭ بەيجىڭ قالاسىندا وتەتىن ەكىنشى دۇنيەجۇزىلىك سوعىستاعى جەڭىستىڭ 70 جىلدىعىنا ارنالعان اسكەري پارادقا قاتىسۋعا اتتاندى. بۇل تۋرالى egemen.kz ءتىلشىسى حابارلادى.
وسىعان بايلانىستى جاقىندا مينيسترلىكتىڭ قۇرمەتتى قاراۋىل روتاسىنىڭ قورىتىندى ساپتىق بايقاۋى ءوتتى.
الاڭدا 68665 اسكەري بولىمىنەن 100-دەن استام اسكەري قىزمەتشى كومانديرىمەن شىعىپ, ساپقا تۇردى. «اسكەري قىزمەتشىنىڭ ساپتىق ادىمى ءوز ەلىنىڭ جانە ارميانىڭ قۋاتتىن,بەرىكتىگى مەن ماقتانىشىن كورسەتە الۋى ءتيىس», دەپ ءتۇسىندىردى ءوز جاۋىنگەرلەرىنە كاپيتان ماقسات بايجىگىتوۆ.
الداعى پارادقا اسكەري قىزمەتشىلەر بىرنەشە كۇن دايىندالدى, سوندىقتان قازىر ولار 100 پايىزعا دايىن. ولار بەيجىڭ قالاسىنا اتتانىپ, كىتايلىق اسكەري قىزمەتشىلەرمەن بىرلەسكەن جاتتىعۋلارعا كىرىسەدى.
قورعانىس مينيسترلىگى قۇرمەتتى قاراۋىل روتاسىنىڭ قاتارىنا قازاقستاندىق ارميانىڭ بەتكە ۇستار اسكەري قىزمەتشىلەرى ىرىكتەلىپ الىندى. ەلىمىزدىڭ قارۋلى كۇشتەرىن ولار ءبىرىنشى تانىستىرىپ وتىرعان جوق. 2002 جىلى قۇرىلعان روتا رەسپۋبليكالىق دەڭگەيدەگى, حالىقارالىق اۋقىمداعى بارلىق سالتاناتتى جانە مەرەكەلىك ءىس-شارالارعا قاتىسىپ كەلەدى. سونىمەن قاتار قازاقستان رەسپۋبليكاسى پەرزيدەنتىنىڭ يناۋگۋراتسياسىنا, «كاDEX» كورمەسىنە, استاناداعى اسكەري شەرۋگە, 2010 جىلى ماسكەۋدە وتكەن اسكەري پارادقا قاتىسقان.
داستان كەنجالين.
دەرەك, سۋرەت: قازاقستان رەسپۋبيكاسى قورعانىس مينيسترلىگى.
