• 27 اقپان, 2015

اقپاراتتار اعىنى

220 رەت

كورسەتىلدى

2 مين

وقۋ ءۇشىن

Egemen Qazaqstan

*بىلتىر مەملەكەتىمىزدەن 11 ملرد. تەكشە مەتر گاز ەكسپورتتالدى. ەنەرگەتيكا ءمينيسترىنىڭ ءبىرىنشىورىنباسارى ۇزاقباي قاراباليننىڭ ايتۋىنشا, وتكەن جىلى ەلىمىزدىڭ ايماقتارى تۇتىنعان گاز كولەمى 12,5 ملرد. تەكشە مەترگە جەتكەن. *جىلقى شارۋاشىلىعىن دامىتۋعا باعىتتالعان نەسيەلەۋ مەجەدەن اسىپ ءتۇستى. «قۇلان» باعدارلاماسى بويىنشا وتكەن جىلى جالپى سوماسى 3 698 ملن. تەڭگەلىك نەسيە 393 كاسىپكەرگە بەرىلدى. بۇل قاراجاتقا ەلىمىزدەگى اۋىل شارۋاشىلىعى تاۋار وندىرۋشىلەرى 12 467 باس جىلقى, ونىڭ ىشىندە 11 703 باس بيە مەن 764 باس اسىل تۇقىمدى ايعىر ساتىپ العان. *استانادا تۋبەركۋلەزدىڭ الدىن الۋ بويىنشا ايلىق شارا باستالدى. ول 24 اقپان مەن 23 ناۋرىز ارالىعىن قامتيدى. قالالىق دەنساۋلىق ساقتاۋ باسقارماسىنىڭ حابارلاۋىنشا, ەلوردادا اتالمىش ايلىق اياسىندا مەديتسينا قىزمەتكەرلەرى ءۇشىن تۋبەركۋلەزدى ەرتە انىقتاۋ جانە الدىن الۋ بويىنشا سەمينار-ترەنينگتەر ۇيىمداستىرىلادى. سونداي-اق, تۇرعىندارعا فليۋوروگرافيالىق تەكسەرۋلەر جۇرگىزىلەدى. *الماتى وڭىرىندە جاڭا ەمحانا اشىلدى. قاراساي اۋدانىندا بوي كوتەرگەن نىساننىڭ اشىلۋ سالتاناتىنا وبلىس اكىمىنىڭ ورىنباسارى عالىمجان ءابدىرايىموۆ قاتىستى. ەكى قاباتتان تۇراتىن مەديتسينا عيماراتى ءبىر ۋاقىتتا 50-گە جۋىق ادامدى قابىلداي الادى. مۇندا بارلىق جاعداي جاسالعان. *تۇركiستانعا تۇركيادان 13 تەرەڭ قوپسىتۋ تەحنيكاسى جەتكiزiلدi. وڭتۇستىك قازاقستان وبلىستىق اكىمدىگىنىڭ ءباسپاسوز قىزمەتى اتاپ كورسەتكەندەي, بۇل قۇرىلعىلار توپىراقتى 70-80 سم. تەرەڭدiكتە قوپسىتىپ, جەردiڭ تومەنگi تىعىزدالعان قاباتىن بوساتۋعا تiكەلەي اسەر ەتەتىن كورىنەدى. وسىلايشا وسiمدiك تامىرىنىڭ تەرەڭ بويلاۋىنا, توپىراق ىلعالدىعىنىڭ ۇزاق مەرزiمگە ساقتالۋىنا ىقپال جاسايدى. ناتيجەسiندە ەگiستiكتiڭ ءوسiپ-ءونۋi جاقسارىپ, ونiمدiلiگi ارتادى. *قاراعاندى وبلىسىندا جىلۋ جۇيەسىنسىز بالاپان باستىراتىن قۇس فابريكاسى جۇمىس ىستەيدى. كاسىپورىن ديرەكتورى اسەل قاليەۆا ءمالىم ەتكەندەي, گەرمانيانىڭ تەحنولوگياسىمەن جابدىقتالعان فابريكا بىلتىر 100 ملن. دانا جۇمىرتقا وندىرگەن. مۇندا جۇمىستىڭ بارلىعى اۆتوماتتى تۇردە جۇزەگە اسىرىلادى. ول ماڭايداعى ەلدى مەكەن تۇرعىندارىن تولىق جۇمىسپەن قامتىپ وتىر. ماسەلەن, كورشى اۋىلداعى 100 ادام وسىندا ەڭبەك ەتەدى. حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى مەن «24kz» تەلەارناسىنىڭ دەرەكتەرى بويىنشا دايىندالدى.