ىنتىماقتاستىققا ىنتالىلىلىق

كەشە ماجىلىستە پالاتا توراعاسىنىڭ ورىنباسارى س.دياچەنكو ەستونيا رەسپۋبليكاسىنىڭ بۇرىنعى پرەزيدەنتى ارنولد ريۋيتەل باستاعان دەلەگاتسيا وكىلدەرىمەن كەزدەستى, دەپ حابارلادى ءماجىلىستىڭ ءباسپاسوز قىزمەتى. .س.دياچەنكونىڭ اتاپ ءوت­كەنىندەي, ءبىزدىڭ مەملەكەتىمىزدىڭ تاۋەل­سىزدىك العان كۇننەن باستاپ ەستونيامەن بايلانىستى دا­مىتۋعا باسا نازار اۋدارۋىنىڭ ناتيجەسىندە ەكى ەل اراسىنداعى تۇسىنىستىك, سىيلاستىق, ءوزا­را قولداۋ دەڭگەيىندەگى ىقپال­داستىق كۇننەن-كۇنگە قانات جايىپ كەلەدى. قازىرگى ۋاقىتتا ەستونيا – قا­­زاقستاننىڭ بالتىق ايما­عىن­داعى ەڭ ماڭىزدى ساياسي جانە ەكو­نوميكالىق ارىپتەستەرىنىڭ ءبىرى. تاراپتار قوس مەملەكەت ارا­سىنداعى ساۋدا-ەكونو­مي­كالىق, ترانزيتتىك بايلانىستى تەرەڭ­دەتۋگە, سونىڭ ىشىندە, اۋىل شارۋاشىلىعى سالاسى بويىنشا ىنتىماقتاستىقتى كۇشەيتۋگە ايرىقشا كوڭىل ءبولدى. دەلەگاتسيا وكىلدەرى ءوز­دەرىنىڭ تەڭىز ايلاقتارى ارقىلى قازاقستاننىڭ الەمدىك نارىققا شىعۋىنا كومەكتەسۋگە جانە قوس مەملەكەت اراسىنداعى كاسىپكەرلىك سالانى بارىنشا قول­داۋعا دايىن ەكەندىكتەرىن جەتكىزدى. وسى رەتتە جوعارى تەح­نو­لوگيالىق بىرلەسكەن كاسىپورىن جۇمىستارىن جولعا قويۋدىڭ ماڭىزدىلىعى زور بولماق. وسىعان وراي ەستوندىق قوناقتار بىرقاتار ماڭىزدى جوبالارىمەن تانىستىردى. ءوز كەزەگىندە مارتەبەلى مەي­مان قازاقستاننىڭ ەرەكشە قار­قىنمەن دامىپ كەلە جات­قان مەملەكەت ەكەنىن ءسوز ەتىپ, ەس­تونيانىڭ ءبىزدىڭ ەلمەن قارىم-قاتىناستى ودان ءارى نىعايتۋعا ىنتالى ەكەنىن اتاپ ءوتتى. جىلى شىرايلى جۇزدەسۋ بارىسىندا تاراپتار قالىپتاسقان دوستىق قارىم-قاتىناستى ودان ءارى تەرەڭدەتىپ, ەكونوميكالىق ارىپتەستىكتى نىعايتۋدىڭ ءمۇم­كىندىگى زور ەكەنىن العا تارتتى.