ۇجىم ماقساتى – ساپا مەن سەنىمدىلىك

«جوبالاردى مەملەكەتتىك ۆەدومستۆودان تىس ساراپتاۋ» شارۋاشىلىق جۇرگىزۋ قۇقى­عىنداعى رەسپۋبليكالىق مەم­لەكەتتىك كاسىپورنىنىڭ («مەم­ساراپتاما» رمك) استانا قالا­سىنداعى فيليالى – زامانعا ساي ساراپتاۋ ورتالىعى. ونىڭ قىزمەتىنىڭ ماقساتى ۇكىمەت بەكىتكەن ەرەجەلەرگە سايكەس قازاقستان رەسپۋبليكاسىنىڭ رەسپۋبليكالىق جانە جەرگىلىكتى ينفراقۇرىلىم نىساندارىنىڭ, سونىڭ ىشىندە ەنەرگيامەن, سۋمەن, جىلۋمەن جابدىقتاۋ نىساندارىنىڭ, ماگيسترالدىق كولىك, بايلانىس, كوممۋنيكاتسيا­لار, كوممۋنالدىق-تۇرعىن ءۇي شارۋاشىلىعى جانە تىرشىلىكتى قامتاماسىز ەتەتىن باسقا دا جۇيە­لەردىڭ قۇرىلىسىنا ارنالعان جوبالاۋ الدىنداعى قۇجاتتارىنا (تەحنيكا-ەكونوميكالىق نەگىز­دەمەلەرىنە) جانە جوبالاۋ قۇ­جاتتارىنا (جوبالاۋ-سمەتالىق قۇجاتتارعا) كەشەندى مەملەكەتتىك ساراپتاما جۇرگىزۋ, ساراپتامالىق قورىتىندى بەرۋ بولىپ تابىلادى. «مەمساراپتاما» رمك-ءنىڭ اس­تانا قالاسىنداعى فيليالى 2014 جىلعى 22 قاڭتاردا قۇ­رىلدى. قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ جوبالاردى مەملەكەتتىك ۆەدومستۆودان تىس ساراپتاۋدىڭ رەسپۋبليكالىق ءبىرتۇتاس مەملەكەتتىك جۇيەسىنە ەنەدى. مەملەكەتتىك ساراپتاما جاساۋ – مەملەكەتتىك ينۆەستيتسيالار ەسەبىنەن, وتاندىق جانە شەتەلدىك ينۆەستورلاردىڭ قاراجاتىمەن نەمەسە ولاردىڭ قاتىسۋىمەن قارجىلاندىرىلاتىن نىساندار مەن كەشەندەر قۇرىلىسىنىڭ ينۆەستيتسيالىق ۇدەرىسىنىڭ قاجەتتى كەزەڭى. «مەمساراپتاما» رمك-ءنىڭ استانا قالاسىنداعى فيليالىنىڭ نەگىزگى مىندەتى – قازاقستان رەسپۋبليكاسىنىڭ نورماتيۆتەرىنە جوبانىڭ قان­شالىقتى سايكەستىگىن, سونىڭ ىشىندە ءبىرىنشى كەزەكتە ءورت پەن جارىلىس قاۋىپسىزدىگىن, قۇرىلعىلاردىڭ سەنىمدىلىگىن, جۇمىس ىستەۋىنىڭ تۇراقتىلىعىن, سانيتارلىق-گيگيەنالىق نور­مالارعا, سونداي-اق, قۇرىلىستىڭ سمەتالىق قۇنىنا سايكەستىگىن انىقتاپ, جوبالىق شەشىمدەرگە باعا بەرۋىمەن ەرەكشەلەنەدى. ادەتتە ساراپتاما قورى­تىن­دىلارى ءۇش ءتۇرلى سيپاتتا بولىپ كەلەدى. ءبىرىنشى جاعدايدا, ياعني جوبا نورمالارعا تولىق سايكەس ورىندالعان بولسا, ول بەكىتىلۋگە ۇسىنىلادى. ەكىنشى جاعدايدا, ياعني جوبادا نورمادان اۋىتقۋشىلىقتار بايقالاتىن بولسا, ول كەمشىلىكتەر ەسكەرتىلىپ, تۇزەتىلۋگە جانە دۇرىستاپ قايتا ءبىر پىسىقتاۋعا كەرى قايتارىلادى. ال ءۇشىنشى جاعدايدا, ياعني قازاقستان رەسپۋبليكاسىنداعى قۇرىلىس نورمالارىنىڭ تالاپتارى ورەسكەل بۇزىلعان جاعدايدا, جوبا مۇلدەم قابىلدانبايدى. فيليال ۇجىمىن باسقارىپ وتىرعان نۇرلان چيمباەۆتىڭ ايتۋىنشا, كاسىپورىندا بىلىكتىلىكتى ارتتىرۋدىڭ ۇزدىكسىز جۇيەسى جۇمىس ىستەيدى. ساراپشىلار جىل سايىن رەسپۋبليكالىق سە­مي­نارلارلارعا قاتىسىپ, بىلىمدەرى مەن بىلىكتىلىكتەرىن ارتتىرادى. كاسىپورىننىڭ قىزمەتكەرلەرى, سونداي-اق, ساپانى قاداعالاۋ جونىندە تۇراقتى وتكىزىلەتىن  سەمينارلار مەن فورۋمدارعا, باسقا دا ءتۇرلى جيىندارعا بەلسەنە قاتىسىپ وتىرادى. كاسىپورىننىڭ وندىرىستىك-تەحنيكالىق بازاسى زامان تالابىنا ساي. ءاربىر جۇمىس ورنى سوڭعى شىققان كومپيۋتەرلەرمەن, پرينتەر, تەلەفون جانە فاكسپەن جاراقتاندىرىلعان, ينتەرنەت جەلىسىنە قوسىلعان. ساراپتاما قىزمەتىندە «ليرا», «SANA», «اۆس-4» باعدارلامالارى كەڭىنەن پايدالانىلادى. فيليالدا قىزمەتكەرلەردى الەۋمەتتىك قورعاۋ ينستيتۋتى جاقسى دامىعان. قىزمەتكەرلەردى مەديتسينالىق ساقتاندىرۋ, ماتەريالدىق جانە الەۋمەتتىك كومەك كورسەتۋ, سپورتتىق-ساۋىق­تىرۋ شارالارى قاراستىرىلعان. ەڭبەككە ىنتالاندىرۋ, سىياقى بەرۋ جۇيەسى جۇمىس ىستەيدى. فيليال ءوز قىزمەتىندە قازاقستان رەسپۋبليكاسىنىڭ كونستيتۋتسياسى مەن زاڭدارىن, پرەزيدەنتتىڭ جارلىقتارى مەن قازاقستان رەسپۋبليكاسى ۇكىمەتىنىڭ قاۋلىلارىن, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ بۇيرىقتارى مەن وكىمدەرىن, قۇرىلتايشىنىڭ نۇسقاۋلارى مەن شەشىمدەرىن باسشىلىققا الادى. وسىنداي جاعدايعا ءساي­كەس فيليالدىڭ وندىرىستىك كور­سەت­كىشتەرى دە جاقسارا تۇسۋدە. 2014 جىلدىڭ ءبىرىنشى جار­تىجىلدىعىندا جالپى استانا ءوڭىرى بويىنشا قۇرىلىسقا, قايتا جاڭعىرتۋعا جانە كۇردەلى جوندەۋگە جالپى قۇنى 31,011 ملن.تەڭگەنى قۇرايتىن 113 جو­بالىق-سمەتالىق قۇجاتتاما قابىلداندى. مەملەكەتتىك ساراپتامانىڭ ەسكەرتپەلەرىنەن كەيىن قايتا تۇزەتىلگەن جالپى سمەتالىق قۇنى – 28,453 ملن. تەڭگەنى قۇرايتىن 109 جوبالىق-سمەتالىق قۇجاتتاماعا وڭ قو­رىتىندى بەرىلدى. جوبالىق شە­شىمدەر مەن سمەتالىق قۇ­جات­­تامالاردى نورماتيۆتىك تا­لاپتارعا سايكەستەندىرىپ, ساراپتاما ەسكەرتۋى بويىنشا نەگىزسىز جۇمىس كولەمى مەن شىعىنداردى ازايتۋ ناتيجەسىندە بەكىتۋگە ۇسىنىلعان قۇرىلىستىڭ جالپى مالىمدەلگەن قۇنى 2,557 ملن. تەڭگەگە ازايدى. ءسويتىپ, بۇل ۇجىم استانا قالا­سىنىڭ زامان تالابىنا ساي كوركەيۋىنە, ونداعى قۇرى­لىستاردىڭ زامان تالابىنا ساي ساپالى سالىنۋىنا ءوز ۇلەسىن قوسىپ كەلەدى. سۇڭعات ءالىپباي, «ەگەمەن قازاقستان». استانا.