قاراعاندىدا تۋرفيرما كليەنتتەرىن 400 مىڭ دوللارعا «لاقتىردى»

قاراعاندى. 17 تامىز. قاراعاندىدا «فاراون» اتتى تۋريستىك فيرمانىڭ ۇستىنەن قوزعالعان قىلمىستىق ءىس بويىنشا 400 مىڭ دوللارداي شىعىن شەككەن 75 ادام جابىرلەنۋشى بولىپ تانىلدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى. اتالعان تۋرفيرما ءوزىنىڭ كليەنتتەرىنە تۇركياعا ساياحاتتاپ بارۋعا مۇمكىندىك بەرەتىن ارزان جولداما ساتىپ, سان سوقتىرىپ كەتكەن. قىلمىستىق ءىس «اسا ءىرى كولەمدەگى الاياقتىق» بابى بويىنشا قوزعالدى. قازىرگى تاڭدا تۋرفيرما تەك 13 ادامنىڭ عانا اقشاسىن قايتارعان. بۇگىنگى كۇندە كۇدىكتىنىڭ سانى ەكەۋ. ولار – فيرما ديرەكتورى جانار ابەۋپ پەن كاسسير ءاليا گابريەل. سونداي-اق, بۇل ىسكە تاعى ءبىر ءۇشىنشى ادامنىڭ قاتىسى بارى بەلگىلى بولىپ وتىر. بىراق تەرگەۋ ءىسىنىڭ مۇددەلەرىنە ساي, ونىڭ ەسىمى ازىرگە جاريا بولمايدى. تۋريستىك اگەنتتىكتەر قاۋىمداستىعىنىڭ مالىمەتىنشە, «فاراون» فيرماسى سالا نارىعىندا بەس جىلداي جۇمىس ىستەپ كەلگەن جانە دە ول وسى ۋاقىت ارالىعىندا ءوزىن قىزمەتى ارزان وپەراتور رەتىندە كورسەتكەن. قايرات ءابىلدينوۆ. دەرەك, قاراعاندى وبلىستىق پروكۋراتۋراسىنىڭ ءباسپاسوز قىزمەتى. سۋرەت: kommersant.ru.