استانا. 16 تامىز. بۇگىن فۋتبولدان قازاقستان پرەمەر-ليگاسىنىڭ 23-تۋرى اياقتالدى. بۇل تۋرالى egemen.kz حابارلادى.
تۋر بارىسىندا جانكۇيەرلەر «استانا» مەن «قايرات» كوماندالارىنىڭ قاتىسۋىمەن بولعان ويىندارعا ەرەكشە نازار اۋداردى. ونىڭ سەبەبى, قوس جاساق تا ەۋروكۋبوكتىق باسەكەلەردە ءساتتى ويناۋدا.
ەكىنشى اينالىمدى «استانا» جەڭىسپەن باستادى. سىرت الاڭدا «اقتوبەدەن» 1:0 ەسەبىمەن باسىم تۇسكەن ەلوردالىقتار تۋرنير كەستەسىندە جەكە دارا كوش باستادى.
ال «قايرات» شىمكەنتتە «ورداباسىمەن» تەڭ وينادى. بۇل كەزدەسۋدە ەسەپ اشىلعان جوق. جالپى, وسى تۋردا تاعى ەكى ماتچ گولسىز ءوتتى. اتاپ ايتقاندا, «شاحتەر» مەن «وقجەتپەس» جانە «قايسار» مەن «تاراز» ءبىر-ءبىرىنىڭ قاقپالارىنان ساڭىلاۋ تابا المادى.
ەڭ ءىرى ەسەپ قوستانايدا بولعان جەرگىلىكتى «توبىل» مەن «جەتىسۋ» اراسىنداعى ويىندا تىركەلدى. قوناقتاردىڭ ءۇش بىردەي دوبىنا الاڭ يەلەرى جالعىز گولمەن جاۋاپ قايتاردى.
13 تامىز
«اقتوبە» (اقتوبە) – «استانا» (استانا) 0:1 (0:0)
گول: روحەر كانياس 81.
14 تامىز
«ورداباسى» (شىمكەنت) – «قايرات» (الماتى) 0:0
15 تامىز
«ەرتىس» (پاۆلودار) – «اتىراۋ» (اتىراۋ) 2:0 (1:0)
گولدار: فەرناردەر كاسساي 37, ەۆاندرو رونكاتتو 87.
«شاحتەر» (قاراعاندى) – «وقجەتپەس» (كوكشەتاۋ) 0:0
«قايسار» (قىزىلوردا) – «تاراز» (تاراز) 0:0
16 تامىز
«توبىل» (قوستاناي) – «جەتىسۋ» (تالدىقورعان) 1:3 (1:2)
گولدار: يگور زەنكوۆيچ 14, پەنالتي – رۋسلان گالياكبەروۆ 3, 72, باۋىرجان تۇرىسبەك 16.
23-تۋردىڭ قورىتىندىسى بويىنشا تۋرنير كەستەسى
ۇزدىك مەرگەندەر:
- جەرار گوۋ («قايرات») – 18 گول;
- لۋكا روتكوۆيچ («وقجەتپەس») – 10 گول;
- دۋشان ساۆيچ («جەتىسۋ»), دجوردجە دەسپوتوۆيچ («قايرات»), سەرگەي حيجنيچەنكو («اقتوبە») – 8 گول.
24-تۋر ويىندارى 22-23 تامىزدا وينالادى. اتالعان تۋرداعى قارسىلاستار تومەندەگىدەي:
«استانا» – «اتىراۋ»
«اقتوبە» – «ورداباسى»
«جەتىسۋ» – «تاراز»
«قايرات» – «ەرتىس»
«وقجەتپەس» – «قايسار»
«توبىل» – «شاحتەر».
ەلامان قوڭىر.
دەرەك: egemen.kz.
سۋرەت: vk.com.
