قىتاي كاسپي تەڭىزىنىڭ ۇستىنەن كوپىر سالماقشى

استانا. 15 تامىز. قىتاي ماماندارى قازىر كاسپي تەڭىزىنىڭ ۇستىنەن قازاقستان مەن ازەربايجاننىڭ اراسىن جالعايتىن ۇزىن كوپىر قۇرىلىسىنىڭ بۇگە-شىگەسىن تالداپ جاتىر. بۇل تۋرالى ras.kz حابارلادى. ۇزىندىعى مەن بيىكتىگى جاعىنان وراسان زور قۇرىلىس جاقىن ارادا باستالىپ كەتۋى مۇمكىن. ول جايىندا «الماتى» تەلەارناسىنىڭ «ىسكەرلىك ۋاقىت» باعدارلاماسىندا ايتىلدى. بىراق بارلىق جاي-جاپسارى تولىق باياندالعان جوق. حابارلانعانداي, قازىرگى كۇندەرى قىتايدا ەۋروپاعا قۇرعاقتاعى دالىزبەن جەتكىزىلەتىن جۇك تاسقىنىنىڭ كولەمى تەڭىز جولىنا قاراعاندا, 100 ەسە از بولىپ وتىر. ءتىپتى رەسەيدىڭ وزىنە شىڭ ەلىنىڭ تاۋارلارى فينليانديا ارقىلى تەڭىز جولىمەن اكەلىنەدى. ال قىتاي لوگيستيكاداعى نەگىزگى ينۆەستيتسياسىن «بيرما دالىزىنە» جولداپ كەلەدى. ونىڭ مولشەرى «جىبەك جولىنا» سالىناتىن قاراجاتتان شامامەن 100 ەسەدەي كوپ. ەندى اتالىپ وتىرعان كوپىر وسى ولقىلىقتىڭ ورنىن تولىقتىرۋعا قىزمەت ەتۋى ءتيىس. تالعات رايىمبەك. دەرەك, سۋرەت: ras.kz.