الماتىنىڭ اۋماعىندا اۆتوبۋستار اۋدارىلىپ قالدى

استانا. 15 تامىز. بۇگىن تاڭەرتەڭ الماتى وبلىسىندا اۆتوبۋستىڭ اۋدارىلىپ قالۋى سالدارىنان ونشاقتى ادام زارداپ شەكتى. بۇل تۋرالى ras.kz حابارلادى. زارداپ شەككەندەردىڭ ءبارى قاسكەلەڭدەگى اۋرۋحاناعا جەتكىزىلگەن. سونىمەن بىرگە جول-كولىك وقيعاسىنان قازا تاپقانداردىڭ جوق ەكەنى ايتىلدى. كەيبىر اقپارلارعا قاراعاندا, اۆتوبۋس جۇرگىزۋشىسى دە اۋرۋحاناعا جاتقىزىلعان. كورگەندەردىڭ ايتۋلارىنشا, اۆتوبۋستىڭ «جۇرگىزۋشى جاق بەتى قاتتى ب ۇلىنگەن». قازىر جول-كولىك وقيعاسىنىڭ سەبەبى زەرتتەلىپ جاتىر. اۆتوبۋس سالونىندا 40-قا جۋىق جولاۋشىنىڭ بولعانى انىقتالدى. ەسكە سالا كەتەيىك, بۇگىن تاڭەرتەڭ الماتى-بىشكەك تاس جولىنىڭ بويىندا تاعى ءبىر اۆتوبۋس اۋدارىلىپ قالعان. وقيعا ساعات 9:00 شاماسىندا بولعان. ول شىمكەنتتەن الماتىعا قاتىناپ كەلە جاتقان. ونىڭ ىشىندە 46 جولاۋشى وتىرعان. اپات جۇرگىزۋشىنىڭ جولدا قالعىپ كەتكەنىنەن ورىن العان. اۆتوبۋس ساعاتىنا 40 شاقىرىم جىلدامدىقپەن كەلە جاتقاندىقتان عانا ادام شىعىنى بولماعان. اپات سالدارىنان 2 جۇرگىزۋشى مەن نەگىزىنەن الدىڭعى قاتارلاردا وتىرعان جولاۋشىلار زارداپ شەككەن, 10 ادام اۋرۋحاناعا جەتكىزىلگەن, سونىڭ ىشىندە ۇشەۋىنە العاشقى مەديتسينالىق كومەك كورسەتىلىپ, ۇيلەرىنە جىبەرىلگەن. زارداپ شەككەندەردىڭ اراسىندا بالالار بولعان جوق. تالعات رايىمبەك. دەرەك, سۋرەت: ras.kz.