«نۇر وتاننىڭ» كەزەكتى سەزى 11 ناۋرىزدا وتەدى

بۇل تۋرالى قاۋلىعا پارتيا توراعاسى نۇرسۇلتان نازارباەۆتىڭ قول قويعانىن كەشە «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك وڭىرلەرمەن سەلەكتورلىق كەڭەس وتكىزۋ كەزىندە حابارلادى. سەزگە ەلىمىزدىڭ بارلىق ءوڭىر­لەرىنەن 1200-دەن استام دەلەگات قاتىساتىن بولادى. ونىڭ ءىشىن­دە پارلامەنتتەگى «نۇر وتان» پار­تياسىنىڭ مۇشەلەرى, وب­لىس­تىق ماسليحاتتارداعى پار­تيا­نىڭ دەپۋتاتتىق فراك­تسيا­سىنىڭ جەتەكشىلەرى, شالعاي اۋىل­داردىڭ وكىلدەرىن قوسقاندا 200-دەن استام باستاۋىش پارتيا ۇيىم­دارىنىڭ توراعالارى, سونداي-اق, 100-دەن استام ارداگەر مەن پارتيا بەلسەندىلەرى  بار دەلەگاتتار قاتىسادى دەپ جوسپارلانۋدا. پارتيا جارعىسىنا سايكەس, 26 اقپانداعى باستاۋىش پارتيا ۇيىمدارىنىڭ جيىندارىندا, پارتيانىڭ ايماقتىق جانە ءوڭىر­لىك فيليالدارىنىڭ كونفەرەن­تسيا­لارىندا «نۇر وتان» پارتيا­سىنىڭ كەزەكتى – ءحVى سەزىنە دەلەگاتتار­دى ۇسىنۋ باستالادى, دەدى ءوزىنىڭ سوزىندە «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك.بەينەبايلانىس تارتىبىندە وتكەن سەلەكتورلىق كەڭەسكە «نۇر وتان» پارتياسى ورتالىق اپپاراتىنىڭ باسشىلىعى, پارتيانىڭ وڭىرلىك فيليالدارىنىڭ ءبىرىنشى ورىنباسارلارى, سونداي-اق, 300 مىڭنان استام مۇشەلەرىن قامتىعان (بۇل بارلىق نۇروتاندىقتاردىڭ تورتتەن ءۇش بولىگى) 300-دەن استام باستاۋىش پارتيا ۇيىمىنىڭ توراعالارى قاتىستى. كەڭەس بارىسىندا ب.بايبەك پارتيانىڭ نەگىزى بولىپ تابىلاتىن باستاۋىش پارتيا ۇيىمدارىنىڭ ماڭىزدىلىعىن اتاپ ءوتتى. باس­تاۋ­ىش پارتيا ۇيىمدارىنىڭ پىكىر­­لەرى ەسەپكە الىنا وتىرىپ, پارتيا­نىڭ ماڭىزدى شەشىم­دەرى مەن باعدارلامالارى قابىل­دانا­­دى. تاپ وسىنداي جولمەن پار­تيا­­نىڭ «ساياسي دوكتريناسى» مەن «2025 جىلعا دەيىنگى سىباي­­لاس جەمقورلىققا قارسى ءىس-قيمىل باعدارلاماسى» سياقتى ماڭىز­دى قۇجاتتار تالقىلانىپ, قابىلداندى, دەلىندى كەڭەستە.  «پارتياعا ءار نۇروتاندىقتىڭ, ءار ۇياشىقتىڭ پىكىرى ماڭىزدى. سوندىقتان ۇستىمىزدەگى جىلى «نۇر وتاننىڭ» جۇمىسى باس­تاۋىش پارتيا ۇيىمدارىنىڭ قىزمەتىنىڭ تيىمدىلىگىن ارتتىرۋعا باعىتتالادى. 2015 جىل باستاۋىش پارتيا ۇيىمدارىنىڭ جىلى اياسىندا وتەدى», – دەپ حابارلادى پارتيا توراعاسىنىڭ ءبىرىنشى ورىنباسارى باۋىرجان بايبەك. سونداي-اق, وڭىرلەردە جىل با­رىسىندا «ەڭ ۇزدىك اۋىلدىق باس­تاۋىش پارتيا ۇيىمى (بپۇ), «ەڭ ۇزدىك بپۇ باسشىسى» جانە ت.ب. اتالىمدارىمەن ۇزدىك باس­تاۋىش پارتيا ۇيىمدارىنىڭ بايقاۋلارى وتكىزىلەدى. جىلدىڭ سوڭىنا دەيىن 1000 باستاۋىش پارتيا ۇيىمىنىڭ توراعالارى ءۇشىن ترەنينگ وتكىزۋ جوسپارلانۋدا. وسىعان ۇقساس ترەنينگتەر بپۇ-نىڭ 124 توراعاسى ءۇشىن استانا قالاسى مەن اقمولا وبلىسىندا بولىپ وتكەنى دە جەتكىزىلدى. انىقتاما ءۇشىن ايتار بولساق, بۇگىندە 5598 باستاۋىش پارتيا ۇيىمى 849,7 مىڭ پارتيا مۇشەسىنىڭ باسىن بىرىكتىرىپ وتىر ەكەن. بۇل – ەلدەگى ءاربىر توعىزىنشى سايلاۋشى دەگەن ءسوز. بپۇ-نىڭ 60 پايىزدايى اۋىلدى جەرلەردە ورنالاسقان. ونىڭ 40 پايىزىن ايەلدەر باسقارادى. ەڭ ءىرى 100 باستاۋىش ۇيىم قاتارىندا 300 مىڭ ادام بار كورىنەدى. ايتا كەتەر ءجايت, «قازاقستان ءاليۋمينيى» بپۇ «نۇر وتان» پارتياسىنىڭ ەڭ مۇشەسى كوپ باستاۋىش ۇيىمى بولىپ تابىلادى. ونىڭ قۇرامىندا 7 مىڭ پارتيا مۇشەسى بار. جاقسىباي سامرات, «ەگەمەن قازاقستان».