حابارلاماعا سايكەس, يرانعا باعىتتالعان نەمەسە وسى ەلدەن شىققان كەز كەلگەن كەمە توقتاتىلىپ, تەكسەرۋدەن وتەدى, ال قاجەت بولعان جاعدايدا ۇستالىپ, تاركىلەنۋى مۇمكىن. بۇل شارالار قاۋىپسىزدىك ماقساتىندا قابىلدانىپ وتىرعانى اتاپ ءوتىلدى.
بلوكادا تەك ورمۇز بۇعازىمەن شەكتەلمەي, يراننىڭ بۇكىل جاعالاۋ سىزىعىن, سونىڭ ىشىندە پورتتار مەن مۇناي تەرمينالدارىن دا قامتيدى. ساراپشىلاردىڭ پىكىرىنشە, مۇنداي قادام الەمدىك مۇناي تاسىمالىنا جانە ەنەرگيا نارىعىنا ەلەۋلى اسەر ەتۋى مۇمكىن, سەبەبى بۇل ايماق ارقىلى مۇنايدىڭ ۇلكەن بولىگى وتەدى.
سونىمەن قاتار, اقش تاراپى گۋمانيتارلىق جۇكتەرگە بەلگىلى ءبىر جەڭىلدىكتەر قاراستىرىلاتىنىن مالىمدەدى. ازىق-ت ۇلىك, ءدارى-دارمەك جانە باسقا دا اسا ماڭىزدى تاۋارلار ءتيىستى تەكسەرىستەن وتكەن جاعدايدا جەتكىزىلۋىنە رۇقسات بەرىلەدى.
بۇل جاعداي ايماقتاعى گەوساياسي شيەلەنىستى كۇشەيتىپ, حالىقارالىق قاۋىمداستىقتىڭ الاڭداۋشىلىعىن ارتتىرۋى مۇمكىن.
