اتىراۋداعى شارۋانىڭ تۇشپاراسىنا سۇرانىس ارتتى

اتىراۋ. 26 اقپان. اتىراۋ وبلىسىنىڭ قۇرمانعازى اۋدانىنداعى «قۇباش» شارۋا قوجالىعى كۇنىنە 1000 قوراپ تۇشپارا شىعارۋدى قولعا الدى. بۇل تۋرالى egemen.kz ءتىلشىسى حابارلادى. «قۇباش» شارۋا قوجالىعىندا باستاپقىدا 200 ءمۇيىزدى ءىرى قارا باعىلعان ەكەن. وتكەن جىلى «سىباعا» باعدارلاماسىنىڭ كومەگىمەن 300 قازاقتىڭ اق باس سيىرىن ساتىپ الىپتى. بۇل قوجالىق تەك مال وسىرۋمەن شەكتەلمەي, اۋىل تۇرعىندارىنا ەت ونىمدەرىن ۇسىنۋدى قولعا الدى. ماسەلەن, تۇشپارا تسەحىنىڭ تەحنولوگى گۇلدەن بوياروۆانىڭ ايتۋىنشا, ءدال قازىر كۇنىنە 30 كيلو ەت وڭدەلىپ, ءبىر مىڭ قوراپ تۇشپارا شىعارىلادى. سەبەبى, بۇل ونىمگە تەك اۋىلداستارىنان عانا ەمەس, وزگە ەلدى مەكەندەردەن دە سۇرانىس كوپ تۇسەتىن بولىپتى. ءمۇيىزدى ءىرى قارانىڭ ەتىنەن دايىندالعان قۋىرداققا دا سۇرانىس ارتىپ كەلەدى. تۇشپارا تەك سيىر ەتىنەن جاسالادى. وعان تەك پياز بەن مايدان وزگە ەشتەڭە قوسىلمايدى ەكەن. ەندى شارۋا قوجالىعىنىڭ باسشىلىعى تۇشپارا تسەحىن كەڭەيتۋدى كوزدەپ وتىر. ويتكەنى, «تەك تۇشپارا جاساۋمەن شەكتەلگىمىز كەلمەيدى. الداعى ۋاقىتتا قالبىرداعى ەت ءوندىرىسىن دامىتا ءتۇسۋدى جوسپارلاپ وتىرمىز. بۇعان مۇمكىندىك تە, شيكىزات تا جەتەدى. جىلىنا 20 توننا ەت وندىرەمىز. تسەحتىڭ ەكىنشى كەزەڭى ىسكە قوسىلعاندا ءونىم كولەمىن 4-5 ەسەگە ارتتىرىپ, جۇمىسشىلاردىڭ سانىن ەكى ەسەگە, ياعني 70 ادامعا دەيىن كوبەيتۋدى كوزدەگەن جوسپارىمىز بار», دەيدى شارۋا قوجالىعىنىڭ جەتەكشىسى ەسبولات قۇباشەۆ. جولداسبەك شوپەعۇل. دەرەك: egemen.kz. سۋرەت «24kz».