اتىراۋدا 28 سوتتالۋشى مەرزىمىنەن بۇرىن بوساتىلدى

اتىراۋ. 26 اقپان. اتىراۋ وبلىسىندا بيىلعى ەكى ايدا تۇزەۋ مەكەمەلەرىنەن 28 سوتتالۋشى مەرزىمىنەن بۇرىن بوساتىلىپ, 53 سوتتالۋشىعا قاتىستى جازانىڭ تۇرلەرى جەڭىل جازاعا اۋىستىرىلدى. بۇل تۋرالى اتىراۋ وبلىستىق پروكۋراتۋراسى حابارلادى. قولدانىسقا ەنگىزىلگەن قىلمىستىق, قىلمىستىق-اتقارۋ كودەكستەرىمەن جازا وتەۋدەن مەرزiمiنەن بۇرىن-شارتتى تۇردە بوساتۋ جانە جازانىڭ وتەلمەگەن بولiگiن نەعۇرلىم جەڭiل جازا تۇرiمەن اۋىستىرۋدى كەڭىنەن قولدانۋ كوزدەلگەن. وسىعان وراي اعىمداعى جىلدىڭ ەكى ايىندا سوتتارمەن تۇزەۋ مەكەمەلەرىنەن 28 سوتتالعان ادام مەرزىمىنەن بۇرىن بوساتىلدى. ال 53 باس بوستاندىعىنان ايرىلعانعا قاتىستى جازانىڭ تۇرلەرى جەڭىل جازاعا اۋىستىرىلىپتى. مۇنداي شارا بۇعان دەيىن دە قولدانىلىپ كەلەدى. ماسەلەن, 2014 جىلى وبلىستىق سوتتارمەن 166 ادام مەرزىمىنەن بۇرىن تۇرمەدەن باساتىلدى. باس بوستاندىعىنان ايىرۋ جازاسىن وتەپ جۇرگەن 45 سوتتالعاننىڭ جازاسى جەڭىل تۇرىنە اۋىستىرىلدى. «ىزگىلەندىرۋ اتالعان ينستيتۋت تۇرلەرىن جەتىلدىرگەنمەن, شارتتى تۇردە نەمەسە جازاسى جەڭىل جازامەن اۋىستىرىلىپ تۇزەۋ مەكەمەلەرىنەن بوساپ شىققان تۇلعالاردى پوستپەنيتەنتسيارلىق باقىلاۋدىڭ ۇيىمداستىرىلۋ دەڭگەيى ءالى كۇنگە دەيىن تومەن. ياعني, كورسەتىلگەن تۇلعالارعا باقىلاۋ تەك بىرقاتار مىندەتتەردى جۇكتەۋمەن شەكتەلىپ, قولدانىستاعى زاڭنامالاردا كوزدەلگەن وزگە دە الەۋمەتتىك-قۇقىقتىق كومەكتەر ءتيىستى دارەجەدە كورسەتىلمەۋدە. اتالعان ساناتتاعى تۇلعالاردى قوعامعا ءارى قاراي بەيىمدەۋ جۇمىستارىن جۇرگىزبەي, تەك تەكسەرۋ شارالارىمەن شەكتەلۋ, ولاردىڭ قوعامدا جاڭا قىلمىس جاساپ, تۇزەۋ مەكەمەسىنە قايتا ورالۋىنا الىپ كەلەدى», دەپ ەسەپتەيدى وبلىستىق پروكۋراتۋرا ۇجىمى. جولداسبەك شوپەعۇل. دەرەك: اتىراۋ وبلىستىق پروكۋراتۋراسى. سۋرەت: azattyg.org.