وسكەمەن. 26 اقپان. شىعىس قازاقستان وبلىستىق ءبىلىم باسقارماسىنىڭ «شىعىس» وڭىرلىك ورتالىعىنىڭ ۇيىمداستىرۋىمەن العاش رەت «ۇزدىك جاس پەداگوگ» وبلىستىق بايقاۋى ءوتتى. بۇل تۋرالى egemen.kz ءتىلشىسى حابارلادى.
وقۋشىلاردىڭ شىعارماشىلىق سارايىندا وتكەن «ۇزدىك جاس پەداگوگ» بايقاۋى وڭىردەگى جاس ۇستازداردىڭ بەلسەندىلىگىن ارتتىرۋ, كاسىبي شەبەرلىگىن دامىتۋ, وقۋ-ادىستەمەلىك جانە تاربيەلىك جۇمىسىن جاقسارتۋ ماقساتىنا باعىتتالعان. بايقاۋعا وبلىستىڭ 16 اۋدانى مەن 3 قالاسىنان ەڭبەك ءوتىلى 5 جىلعا دەيىنگى ۋاقىتتى قامتيتىن 19 جاس پەداگوگ قاتىستى.
بايقاۋ 2 كەزەڭ بويىنشا ءوتتى. العاشقى اۋداندىق نەمەسە قالالىق كەزەڭنەن سۇرىنبەي وتكەن پەداگوگتار كەلەسى وبلىستىق كەزەڭگە جولداما الدى. وبلىستىق سىن بارىسىندا جاس پەداگوگتار وزدەرىنىڭ شىعارماشىلىق سىرلارىمەن ءبولىسىپ, «مەن جانە مەنىڭ ماماندىعىم» تاقىرىبىنداعى تانىستىرۋلارى مەن «مەن – بولاشاقتىڭ مۇعالىمىمىن» بەينەتاسپاسىن كورەرمەندەر نازارىنا ۇسىندى.
جارىس قورتىندىسى بويىنشا كوكپەكتى اۋدانىنداعى فيزيكا ءپانىنىڭ مۇعالىمى داۋرەن مەرگەنشىنوۆ وبلىستىڭ «ۇزدىك جاس پەداگوگى» اتاندى. ودان كەيىنگى جۇلدەلى ورىندارعا سەمەيلىك گەوگرافيا ءپانى مۇعالىمى گۇلبارشىن قالىموۆا, بورودۋليحالىق گەوگرافيا ءپانى مۇعالىمى ۆاديم كاراچكوۆسكي, وسكەمەندىك باستاۋىش سىنىپ مۇعالىمى انار شاكەن, جارمالىق بيولوگيا ءپانى مۇعالىمى ەركەجان يگەنباەۆا يە بولدى. سونىمەن بىرگە, بايقاۋدا «وزىق ويلى ۇستاز» اتالىمىنا اياگوز اۋدانىنىڭ گەوگرافيا ءپانى مۇعالىمى نۇربول نۇرعاليەۆ, «شىعارماشىل ۇستاز» اتالىمىنا وسكەمەن قالاسىنىڭ باستاۋىش سىنىپ مۇعالىمى انار سولتانعازينا, «تالانتتى ۇستاز» اتالىمىنا سەمەي قالاسىنىڭ تاريح ءپانى مۇعالىمى اقەركە باشيروۆا, «ونەرلى ۇستاز» اتالىمىنا كۇرشىم اۋدانىنىڭ باستاۋىش سىنىپ مۇعالىمى سايا سالىقباەۆا لايىق دەپ تانىلدى. بايقاۋعا قاتىسۋشىلار العىس حاتتار مەن باعالى سىيلىقتارمەن ماراپاتتالدى. ۇزدىك بەينەماتەريالدار شىعىس قازاقستان وبلىسىنىڭ جاس پەداگوگتارى تۋرالى بەينەفيلمىنە ەنەتىن بولادى.
دۋمان اناش.
دەرەك, سۋرەت: egemen.kz.
