بەلسەندىلىك ارتا تۇسۋدە

قولىمىزداعى دەرەكتەر بويىن­شا وبلىستا م ۇلىكتى جاريا ەتۋ بەلسەندى سيپات الا تۇسۋدە. ماسەلەن, بيىلعى 11 ناۋرىزعا دەيىن جەرگىلىكتى مەملەكەتتىك كوميس­سيانىڭ قاراۋىنا 519 ءوتىنىش كەلىپ تۇسكەن. ونىڭ 332-ءى تۇرعىن ءۇي جانە 615-ءى تۇرعىن ۇيگە جاتپايتىن نىساندار بولسا, سوڭعىسىنىڭ 234-ءى كوممەرتسيالىق عيماراتتاردى قامتيدى. اتالعان جىلجىمايتىن م ۇلىكتەردىڭ جالپى قۇنى 4,8 ميلليارد تەڭگەنى قۇرايدى. قازىرگى كۇنى 235 ءوتىنىش قا­ناعات­تاندىرىلىپ, 1,9 ميلليارد تەڭگەنىڭ 555 نىسانى جاريا ەتىلدى. تۇرعىندار ءوتىنىشىن ايماق­تارعا ءبولىپ قاراستىرساق, تسەلي­نوگراد (170) جانە بۋراباي (79) اۋداندارىندا, سونداي-اق, وبلىس ورتالىعى كوكشەتاۋ قالاسىندا (147) بەلسەندىلىك جوعارى ەكەن­دىگىن بايقاۋعا بولادى. وبلىس تۇرعىندارىنان قازاقستاننان تىس جەرلەردەگى جىلجىمايتىن م ۇلىكتەر مەن اقشالاي قاراجاتىن جاريا ەتۋ ەتۋ جونىندە ءوتىنىش تىركەلمەگەن. وڭىردە م ۇلىكتى جاريا ەتۋ فاكتىسى سوڭعى ۋاقىتتا ەكپىن الا تۇسكەن. ماسەلەن, ناۋقان باستالعان العاشقى ءتورت ايدا 300 ءوتىنىش قابىلدانسا, سوڭعى ەكى ايدا, ياعني 13 قاڭتار مەن 11 ناۋرىز ارالىعىندا ونىڭ سانى 200-دەن اسىپ وتىر. مەملەكەتتىك كىرىس جونىندەگى وب­لىستىق دەپارتامەنتتىڭ ءوندى­رىستىك ەمەس تولەمدەر ءبولىمىنىڭ باسشىسى گۇلنارا بالاباەۆانىڭ ايتۋىن­شا, كاپيتالدى جاريا ەتۋ قارقىنىنىڭ ارتۋىن قولعا الىنعان اكتسيا شارتتارىنىڭ تيىمدىلىگى مەن كەشىرىم شارالارىنىڭ قولاي­لىلىعىمەن بايلانىستىرۋعا بولادى. باقبەرگەن امالبەك, «ەگەمەن قازاقستان». اقمولا وبلىسى.