وسكەمەن. 26 اقپان. وڭتۇستىك قازاقستان وبلىسىنىڭ قۇرمەتتى ازاماتى ك.تۇلەمەتوۆانى ەسكە الۋعا ارنالعان حالىقارالىق تۋرنيردە شىعىسقازاقستاندىق ۆولەيبولشىلار 1 ورىنعا يە بولدى. بۇل تۋرالى egemen.kz ءتىلشىسى حابارلادى.
اعىمداعى جىلدىڭ 18-21 اقپان ارالىعىندا شىمكەنت قالاسىندا وتكەن باسەكەگە ەلىمىزدىڭ بارلىق وبلىسى مەن استانا جانە الماتى قالالارىنىڭ كوماندالارى قاتىسقان بولاتىن.
1998-1999 جىلدارى تۋعان جاسوسپىرىمدەر اراسىندا وتكەن جارىس ناتيجەسىندە شىعىس قازاقستان وبلىسىنىڭ قۇراما كومانداسى ۇزدىك ناتيجە كورسەتىپ, 1 ورىندى جەڭىپ الدى. ال 2 ورىنعا جارىس يەلەرى, 3 ورىنعا استانا قالاسىنىڭ ۆولەيبولشىلارى, 4 ورىنعا تالدىقورعان قالاسىنىڭ ويىنشىلارى تۇراقتادى.
«وسى ورايدا وبلىس قۇراماسىنىڭ وكىلدەرى مەن جاتتىقتىرۋشىلارى قاتارىنداعى شىعىس قازاقستان گۋمانيتارلىق كوللەدجىنىڭ ديرەكتورى ن.اسكەتاەۆ, ءبولىم مەڭگەرۋشىسى ب.داۋموۆ, دەنەشىنىقتىرۋ ءپانىنىڭ وقىتۋشىسى س.بەكبوسىنوۆتىڭ ءوڭىر ۆولەيبولىن دامىتۋعا قوسقان ۇلەسى مەن ەڭبەگىن اتاپ وتكەن ورىندى», – دەيدى وبلىستىق ءبىلىم باسقارماسىنىڭ ءباسپاسوز قىزمەتى.
دۋمان اناش.
دەرەك: egemen.kz.
سۋرەت: شقو ءبىلىم باسقارماسىنىڭ ءباسپاسوز قىزمەتى.
