ءبىر كۇنى جىلعا ازىق بولاتىن التىن كۇزدە ساپالى اۋىل شارۋاشىلىعى ونىمدەرىن ءوسىرۋ, ساقتاۋ جانە قايتا وڭدەۋ جۇمىسى جەتىسۋ جەرىندە دە قاۋىرت جۇرۋدە. وسى ورايدا الماتى وبلىسى ازىق-ت ۇلىكپەن ءوزىن-ءوزى قامتاماسىز ەتۋمەن شەكتەلىپ قالماي ىرگەدەگى الماتى قالاسىنىڭ تۇرعىندارىنا دا ءتيىمدى باعامەن ەت, ءسۇت, جەمىس-جيدەك ونىمدەرىن ۇسىنۋدا. ناتيجەسىن حالىق كورىپ وتىر. سوندىقتان ەلباسىنىڭ ساپالى وتاندىق ونىمدەردى شىعارۋ تۋرالى تاپسىرماسىن دەر كەزىندە ورىنداۋ ماقساتىندا الماتى وبلىسىنىڭ اكىمى اماندىق باتالوۆ تاياۋدا كەربۇلاق, تالعار اۋداندارىندا بولدى. كەربۇلاق اۋدانىندا اۋىل شارۋاشىلىعى ونىمدەرىن ءوندىرۋ ماسەلەسىنە باسا نازار اۋداردى. تالعار اۋدانى اۋماعىندا ورنالاسقان قازاق تاعامتانۋ اكادەمياسىنىڭ «اميران» زاۋىتىندا شىعارىلاتىن بالالارعا ارنالعان ءسۇت جانە ءسۇت تاعامدارىنىڭ ساپاسىنا ەرەكشە كوڭىل ءبولدى. بۇل ءوندىرىس ورنىندا بۇگىندە 87 ادام ەڭبەك ەتەدى. اعىمداعى جىلدىڭ ءتورت ايىندا 315,2 توننا سۇتتەن 203,8 ملن.تەڭگەگە 394 توننا ءونىم, ياعني 11 ءتۇرلى ادامزات اعزاسىنا پايدالى جانە ەمدىك ميكروورگانيزمدەرگە باي ءسۇت پاكەتتەرىن ءوندىردى. ۆەتەريناريالىق تالاپقا ساي سيىر ساۋاتىن قورالار امەريكالىق «Baumatic» فيرماسىنىڭ اپپاراتتارىمەن جابدىقتالعان.
ءوڭىر باسشىسى بۇل كۇنى «فرەش فرۋد كازاحستان» جشس جەمىس-جيدەكتەر ساقتاۋ مەن ساتۋ قويمالارىندا بولدى. بىلتىرعى جىلى ىسكە قوسىلىپ, بۇگىندە 30 ادامدى جۇمىسپەن قامتىپ وتىرعان بۇل كەشەن اۆستراليالىق تەحنولوگيامەن سالىنعان. عيمارات قۇرىلىمى مەن ونداعى ورناتىلعان گەرمانيالىق جوعارى تەحنولوگيالى قۇرال-جابدىقتار جەرگىلىكتى جەمىس-جيدەكتەردى, سونىمەن قاتار سىرتتان اكەلىنگەن ەكزوتيكالىق ونىمدەردى جىل بويى ساقتاۋعا مۇمكىندىك بەرەدى. باستى ەرەكشەلىگى – كومپانيا جەمىس-جيدەك ونىمدەرىن ۇزاق ۋاقىت ساقتاۋ جۇيەسىنىڭ ارقاسىندا ولاردى جىل ماۋسىمىنا قاراماستان وتكىزۋگە مۇمكىندىگى بار. «اگروبيزنەس-2020» باعدارلاماسى شەڭبەرىندە «فرەش فرۋد كازاحستان» جشس-ءنىڭ ينۆەستيتسيالىق سالىمى 68,6 ملن. تەڭگەگە سۋبسيديالاندى. اۋىل شارۋاشىلىعى ونىمدەرىن ءوسىرۋ, ساقتاۋ جانە قايتا وڭدەۋ جۇمىسىن پىسىقتاپ, تالاپقا ساي اتقارىلۋىن تاپتىشتەگەن ءوڭىر باسشىسى اماندىق باتالوۆ ەكى كۇندىك جۇمىس ساپارىن قورىتىندىلاي كەلە: – اگرارلى وبلىسىمىزدا اۋىل شارۋاشىلىعى ونىمدەرىن وندىرۋدە ۇلگى تۇتار جۇمىسىمىز بارشىلىق. ال ولاردى تالاپقا ساي قايتا وڭدەۋ ماسەلەسى بىرتىندەپ دۇرىس شەشىمىن تابۋدا. سونىڭ ءبىر دالەلى رەتىندە تالعار اۋدانىنداعى «اميران» سىندى ءوندىرىس ورنىنىڭ ىلكىمدى ءىسىن ايتۋعا بولادى. تۇتاستاي العاندا, جەتىسۋ جەرىندە ءوندىرىس ورىندارىن مەملەكەتتىك تالاپقا ساي اشۋ, ەڭ باستىسى باستالعان جۇمىستى توقتاتپاي تۇرعىلىقتى حالىقتى تۇراقتى جۇمىس ورنىمەن قامتاماسىز ەتۋ باستى ۇستانىمىمىز بولىپ وتىر, – دەدى.
نۇربول الدىباەۆ, «ەگەمەن قازاقستان».
الماتى وبلىسى.
