اقپاراتتار اعىنى

«قازاقستاننىڭ دامۋ بانكى» اق «RG Brands Kazakhstan» جشس ءۇشىن 3 ملرد. تەڭگە كولەمىندە 39 ايعا نەسيە جەلىسىن اشتى. بۇل تۋرلى بانكتىڭ ءباسپاسوز قىزمەتى حابارلادى. سونىڭ ارقاسىندا كومپانيا 2015-2019 جىلدار ارالىعىندا ەكسپورتقا شىعاراتىن ونىمدەردى 25 پايىزعا ارتتىرماقشى. Qazaq Air اۋە كومپا­نيا­سى ۇشاق بيلەتتەرىن ساتا باستادى. كومپانيا ءباسپاسوز قىزمەتىنىڭ مالىمدەۋىنشە, بيلەتتەردى flyqazaq.com سايتى جانە اۋە اگەنتتىكتەرى ارقىلى الۋعا بولادى. Qazaq Air ­جولاۋ­شىلار تاسىمالداۋ قىزمەتىن 27 تامىزدان باستاۋدى كوزدەپ وتىر. كەشە استانادا «مەك­تەپكە جول» اكتسياسى شەڭ­بەرىندە از قامتىلعان 100 وتباسىنا 1 ملن. تەڭگەگە كومەك كورسەتىلدى. جالپى, وسى باستاما قولعا الىنعان 1 تامىزدان بەرى 30 مىڭنان استام بالاعا 276 ملن. 835 مىڭ تەڭگەگە قولداۋ جاسالعان. شارا 30 قىركۇيەككە دەيىن جالعاسادى. الماتى وبلىسىنىڭ «بەنت» زاۋىتى مەن «استانا ەكسپو-2017» ۇك 45,9 ملن. تەڭگەگە كەلىسىمشارت جاساستى. ۇلتتىق كومپانيانىڭ ءباسپاسوز قىزمەتى تاراتقان مالىمەتكە سۇيەنسەك, اتالعان كاسىپورىن ەكسپو-نىڭ قۇرىلىس جۇ­مىس­تارىنا تەمىربەتون كونسترۋكتسيالارىن, شپالدار جانە تىرەۋىشتەردى جەتكىزەتىن بو­لادى. وڭتۇستىك قازاقستاننان الماتىعا 305 توننا اۋىل شارۋاشىلىعى ونىمدەرى جونەلتىلدى. وبلىس اكىمىنىڭ ءباسپاسوز قىزمەتى ونىمدەردىڭ جالپى قۇنى 140 ملن. تەڭگەنى قۇرايتىنىن حابارلادى. قىزىلوردا وبلىسىنىڭ ارال اۋدانىندا ءبىر كۇندە ءۇش مەكتەپ اشىلدى. اۋدان اكىمىنىڭ ءباسپاسوز قىزمەتى كەلتىرگەن دەرەكتەر بويىنشا, كەشە توقاباي ەلدى مەكەنىندە – 140, قوساماندا – 100 جانە جاڭاقۇرىلىستا 200 ورىندىق ءبىلىم وردالارى پايدالانۋعا بەرىلدى. سولتۇستىك قازاقستاندا استانا-پەتروپاۆل تاسجولىن جوندەۋگە 11 ملرد. تەڭگە ءبولىندى. ينۆەستيتسيالار جانە دامۋ مينيسترلىگى اۆتوكولىك جولدارى كوميتەتى توراعاسى­نىڭ ورىنباسارى امانگەلدى بە­كوۆتىڭ ايتۋىنشا, قازىر كەللەەروۆكادان پەتروپاۆل­عا دەيىنگى جولدا جوندەۋ جۇمىستارى جۇرگىزىلۋدە. وعان 300-دەن استام تەحنيكا مەن 1 000 ادام تارتىلعان. حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە «24kz» تەلەارناسىنىڭ دەرەكتەرى بويىنشا دايىندالدى.