شاراعا قالانىڭ زيالى قاۋىم وكىلدەرى, عالىمدار, ۇستازدار, ماگيسترانتتار مەن ستۋدەنتتەر, ۇزدىك وقۋشىلار قاتىستى. – قازاق حالقىنىڭ ادەبيەتى مەن تاريحى قاشاننان دا ەگىز ۇعىم. ۋنيۆەرسيتەتتىڭ قازاق ادەبيەتى كافەدراسى بىلتىردان بەرى «ۇلتتىق ادەبيەت دارىستەرى» دەگەن تاقىرىپتا لەكتسيالىق كۋرستاردى باستادى.
بۇل تەك ستۋدەنتتەرگە عانا ەمەس, جالپى قالا جاستارىنا, جەرگىلىكتى تۇرعىندارعا ارنالعان ءدارىس. مۇنداي لەكتسيالىق كۋرس ايىنا ءبىر رەت وتكىزىلەدى. ەندى سول عىلىمي-كوپشىلىك دارىستەردى كافەدرانىڭ وقىتۋشى - عالىمدارى حاندىق ءداۋىردىڭ قازاق ادەبيەتىندەگى كورىنىستەرىمەن بايلانىستىرىپ وقيتىن بولادى, – دەيدى فيلولوگيا عىلىمدارىنىڭ دوكتورى, پروفەسسور ابات پانگەرەەۆ. ادەبي-تانىمدىق كەش بارىسىندا قازاق ادەبيەتى كافەدراسىنىڭ پروفەسسورى بايان بوراشتىڭ «قازاق ادەبيەتىندەگى حاندىق ءداۋىر كەزەڭىنىڭ بەينەلەنۋى» تاقىرىبىندا ءدارىسى تىڭدالدى.
پروفەسسور ءوز دارىسىندە «ماڭگىلىك ەل» يدەياسىنىڭ تەوريالىق نەگىزدەرىنە توقتالدى. قازاق ادەبيەتىندەگى حاندىق ءداۋىر كەزەڭىنە بايلانىستى وقىلعان دارىسكە ينتەرپرەتاتسيالىق تالداۋ جاسالدى. بۇعان دەيىن قازاق ادەبيەتى كافەدراسى ۇجىمى قازاق حاندىعىنىڭ قۇرىلۋىنىڭ 550 جىلدىق مەرەيتويىنا وراي قالاداعى بىرقاتار ارناۋلى وقۋ ورىندارى مەن مەكتەپ وقۋشىلارى اراسىندا شىعارماشىلىق بايقاۋ جاريالاعان بولاتىن. تاقىرىپقا بايلانىستى اۆتورلىق تۋىندىلار جيناقتالىپ, ىشىنەن تاڭداۋلىلارى ىرىكتەلگەن.
ادەبي-تانىمدىق كەش اياسىندا بايقاۋ جەڭىمپازدارى ماراپاتتالدى. ادەبي-تانىمدىق كەشتىڭ جوعارى دەڭگەيدە وتۋىنە ىقپال ەتىپ, بەلسەندىلىك تانىتقان قالاداعى بىرقاتار مەكتەپتەردىڭ ۇستازدارى مەن كوللەدج وقىتۋشىلارى دا نازاردان تىس قالمادى. كەشكە قاتىسۋشىلار حاندىق داۋىرگە بايلانىستى جازىلعان عىلىمي-تانىمدىق ەڭبەكتەردىڭ كورمەسىن تاماشالادى.
ساتىبالدى ءساۋىرباي.
دەرەك: egemen.kz. سۋرەت: szh.kz.
