پەتروپاۆلدىقتىڭ شاعىمدانۋىنا تورتتىڭ ساپاسىزدىعى سەبەپ بولعان

پەتروپاۆل. 26 اقپان. پەتروپاۆل قالاسىنىڭ تۇرعىنى تۇتىنۋشىلار مەن كاسىپكەرلەردىڭ قۇقىعىن قورعايتىن مەكەمە – وبلىستىق اسسوتسياتسياعا شاعىم تۇسىرگەن. وعان قىرۋار اقشاعا ساتىپ العان رۋلەتتىڭ جەۋگە جارامسىزدىعىن العا تارتقان. بۇل تۋرالى egemen.kz ءتىلشىسى حابارلادى. پەتروپاۆلدىق مايا توكسانوۆا «كوكتوبە» ساۋدا ۇيىنەن «بەرەزكا» تورتىن ساتىپ الىپ, ۇيگە كەلگەن سوڭ ءدامىن كورمەك بولعاندا ءىشىنىڭ كوگەرىپ كەتكەنىن اڭعارعان. سۋپەرماركەتكە كەلىپ, ولقىلىقتىڭ نە سەبەپتى ورىن العانىن بىلمەك بولعانىمەن, جارىتىپ جاۋاپ الا الماعان. سودان تۇتىنۋشىلار مەن كاسىپكەرلەردىڭ قۇقىعىن قورعاۋ جونىندەگى اسسوتسياتسياعا ارىزدانعان. كەلىنشەك بۇل قادامىن وزگەلەرگە ساباق بولسىن, ادامدار ساقتانىپ ءجۇرسىن دەگەن ۋاجبەن تۇسىندىرگەن. مەكەمەنىڭ ديرەكتورى نادەجدا دۋبوۆايا ساۋدا ورىندارىندا مۇنداي جاعدايلاردىڭ ءجيى ورىن الاتىنىن جاسىرمايدى. ونىڭ ويىنشا, دۇكەن ساتۋشىلارى ۋاقىتى ءوتىپ كەتكەن ءونىمدى ەسەپتەن شىعارۋدىڭ ورنىنا مەرزىمىن جاڭالاي سالۋى عاجاپ ەمەس. وسىنداي وعاش وقيعا بۇل ساۋدا ۇيىندە ءبىرىنشى رەت كەزدەسىپ وتىرعان جوق. مۇنىڭ الدىندا ءبىر تۇتىنۋشى تاۋىقتىڭ قۋىرىلعان ەتىنەن قۇرت تاپقان ەكەن. ءومىر ەسقالي. دەرەك: egemen.kz. سۋرەت: restoranberezka.ru.