قۇتقارۋشىلار شاقىرتۋ تۇسكەن ساتتەن باستاپ ءتورت مينۋت ىشىندە وقيعا ورنىنا جەتكەن. جارىلىس سالدارىنان ءورت تۇتانىپ, پاتەر ىشىندەگى جيھاز بەن تۇرمىستىق زاتتاردى شارپىعان. جوعارعى قاباتتاردا قالعان 5 ادام باسپالداق ارقىلى ەۆاكۋاتسيالاندى. ءورت سوندىرۋشىلەر كەلگەنگە دەيىن تۇرعىنداردىڭ ءبىر بولىگى ءوز بەتىمەن سىرتقا شىقسا, ەندى ءبىرىن پوليتسيا قىزمەتكەرلەرى قاۋىپسىز جەرگە كوشىرگەن.
وقيعا سالدارىنان 8 ادام زارداپ شەكتى, ولاردىڭ 5-ءى – پوليتسيا قىزمەتكەرى. بارلىعى مەديتسينالىق مەكەمەگە جەتكىزىلگەن. ءورت 40 شارشى مەتر اۋماقتا تولىق ءسوندىرىلدى.
قازىر جارىلىستىڭ سەبەپتەرى مەن ءمان-جايى انىقتالىپ جاتىر.
