ينسپەكتورعا پارا بەرۋشى ۇستالدى

اتىراۋدا جىلجىمالى جەدەل باسقارۋ ورتالىعىنىڭ ينسپەكتورىنا پارا بەرمەك بولعان كولىك جۇرگىزۋشىسىنىڭ ارەكەتى ىسكە اسپادى. ««ۆاز-21014» كولىگىنىڭ جۇرگىزۋشىسى جولدىڭ قارسى باعىتىنا شىعىپ, جول ەرەجەسىن ورەسكەل بۇزعان. بىراق, اكىمشىلىك حاتتاما تولتىرتپاي, جاۋاپكەرشىلىكتەن قاشۋ ءۇشىن ينسپەكتورعا ەكى مىڭ تەڭگە كولەمىندە پارا بەرمەك بولعان. ال مۇنى كورىپ وتىرعان بەينەباقىلاۋ ينسپەكتورى سول بويدا بۇل دەرەكتى اتىراۋ وبلىستىق ىشكى ىستەر دەپارتامەنتىنىڭ وزىندىك قاۋىپسىزدىك باسقارماسىنا حابارلايدى. اتالعان باسقارمانىڭ قىزمەتكەرلەرى 1978 جىلى تۋعان جۇرگىزۋشىنى بۇلتارتپاس ايعاقپەن ۇستادى. قازىر پارا بەرۋشىنى ءتيىستى جاۋاپكەرشىلىككە تارتۋ ماسەلەسى شەشىلۋدە», دەپ حابارلادى دەپار­تامەنتتىڭ ءباسپاسوز حاتشىسى گۇل­نازيرا مۇحتاروۆا. ونىڭ ءمالىم ەتۋىنشە, جىل باسىنان بەرى اكىمشىلىك پوليتسيا باسقارماسىنىڭ جول-پاترۋلدىك قىزمەتكەرلەرى جولدا ءجۇرۋ ەرەجەلەرىن بۇزۋدىڭ 13000-عا جۋىق فاكتىسىن انىقتادى. تىركەلگەن فاكتىنىڭ 7 مىڭنان استامى جول ەرەجەسىن ورەسكەل بۇزعاندارعا قاتىستى بولىپ وتىر. جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەت: http://alau.kz/