قىرىلعان كيىكتەر وعان كىم كىنالى؟

21 اقپاندا BAQ.KZ سايتىندا اقتوبە وبلىسىندا براكونەرلەر ءبىر ءۇيىر كيىكتى اتىپ تاستاعان. «وحوتزووپروم» رمكك مەكەمەسىنىڭ ينسپەكتورلارى كەزەكتى رەيدتىك تەكسەرۋ كەزىندە قىرىلعان كيىكتىڭ ۇستىنەن تۇسكەن. «بارلىق جانۋارلاردىڭ ءمۇيىزىن كەسىپ الىپ كەتكەن. وقيعا قىزىلوردا وبلىسىمەن شەكارالاس ىرعىز اۋدانىنىڭ اۋماعىندا تىركەلگەن. قازىر جەدەل تەرگەۋ توبى قۇرىلىپ, سول اۋماقتا تەكسەرۋ جۇمىستارى جۇرگىزىلىپ جاتىر. قىزىل كىتاپقا ەنگەن كيىكتەرگە قىرعيداي تيگەندەر ءالى تابىلعان جوق. تابيعاتقا كەلگەن شىعىن كولەمى انىقتالۋدا. كيىكتەردى جاپپاي قىرۋ دەرەگى بويىنشا قىلمىستىق ءىس قوزعالادى», – دەلىنگەن اقپاراتتا. كيىكتى جاپپاي قىرۋ ماسەلەسى ولاردىڭ وزدەرىنىڭ تابيعي تولدەيتىن وڭىرلەرىنە وتە قالماي قالۋى سالدارىنان دا بولىپ وتىر. بۇعان وتكەن جىلى ىسكە قوسىلعان ار­قالىق – شۇباركول, جەزقازعان – سەك­سەۋىل – شالقار-بەينەۋ مىڭداعان شاقىرىمدىق تەمىرجولدارى بويىنان اقبوكەن­دەردىڭ ارقاعا قاراي قىستاۋعا جانە تولدەۋگە وتەتىن جايداق تۇستارى دۇرىس سالىنباعاندىعى دا سەبەپ بولىپ وتىر. ەۋروپالىق مەملەكەتتەردە جاڭا تەمىرجولداردى سالعان كەزدە, ونىڭ بويىنان جان-جانۋارلاردىڭ وتەتىن تۇستارىنا قاتتى نازار اۋدارادى. تاياۋدا وسى وڭىرگە ساپار بارىسىندا مىڭداعان اقبوكەندەردىڭ جاڭادان سالىنعان تەمىرجولداردى كەسىپ وتە الماي, تەمىرجول ماڭىن شيىرلاپ قايتا كەتىپ قالعاندىعىنىڭ كۋاسى بولدىم. جاڭا تەمىرجول جەلىسى اقبوكەندەردىڭ قالىڭ توپتارىنىڭ قىزىلوردا, اقتوبە, ماڭعىستاۋ, قوستاناي وبلىس­تارىنىڭ تەمىرجولدارىنىڭ ارعى بەتىندە قالىپ قويۋىنا اكەلىپ سوق­تىردى. بۇل ماسەلەنى ۇكىمەتتىڭ باسقارۋىمەن اۋىل شارۋاشىلىعى مينيسترلىگى مەن «قازاقستان تەمىر جولى» ۇك» اق شۇعىل قولعا الماسا, تەمىرجولداردىڭ جان-جانۋارلار وتە­تىن جايداق تۇستارىن قايتا قاراپ, كوپتەپ كەلەتىن جەرلەرىنىڭ توپى­راعىن كوتەرىپ, تەمىرجولمەن تەڭەس­تىرمەسە, كوتەرەم اقبوكەندەردىڭ انا­لىق­­تارىنىڭ كوكتەمگى سۋىقتان قىرى­لىپ قالۋى عانا ەمەس, تولدەرىنىڭ دە جاپان دالادا جايراپ قالۋى ابدەن مۇمكىن. ال كوز الدارىندا ءورىپ جۇرگەن كيىكتەردى كورىپ جۇرگەن جەرگىلىكتى تۇرعىنداردىڭ قىزۋقاندىلىقپەن ولاردى قىرىپ سالماسىنا ەشكىم دە كەپىلدىك بەرە المايدى. ەسكەندىر ەرتاي. سۋرەت : http://pavlodarnews.kz/