ەكسپو جانە وڭىرلەر

جۋىردا جامبىل وبلىسىنىڭ تاۋار وندىرۋشىلەرى تاۋارلارىن جەتكىزۋ مۇمكىندىگىن تالقىلاۋ ءۇشىن «استانا ەكسپو-2017» ۇك باس مەردىگەرلەرىمەن جانە باسشىلارىمەن كەزدەستى. «جەتكىزۋشىلەرگە قويىلاتىن باستى تالاپ – باعا, ساپا جانە جەتكىزۋ مەرزىمى. سونىمەن قاتار, ەكسپو-2017 كورمەسىنىڭ يدەيا­­سى «بولاشاق ەنەرگياسىنا» شو­عىرلانعاندىقتان, جەتكىزۋ­شىلەرگە قويىلاتىن تاعى ءبىر تالاپ – بۇل تاۋارلاردىڭ ەكولوگيا­لىق قاۋىپسىزدىگى. ەكولوگيالىق قاۋىپسىزدىك تۋرالى سەرتيفيكات باسەكەگە قابىلەتتىلىك ماسەلەسىندە ۇلكەن ءرول اتقاراتىن بولادى», دەپ اتاپ ءوتتى ءوز سوزىندە «استانا «ەكسپو-2017» ۇك باسقارۋشى ديرەكتورى – باعا, ساتىپ الۋلار جانە جەرگىلىكتى مازمۇن ماركەتينگى جونىندەگى دەپارتامەنت ديرەكتورى اننا بوەۆا. جۇزدەسۋ بارىسىندا «جام­بىلگيپس» اق, «ازمينا-مرا­مور» جشس, «جامبىل تسەمەنت ءوندىرۋ كومپانياسى» جشس, «ارايسترويماركەت-2003» جشس باسشىلارى ءوز ونىمدەرىنىڭ ساپاسى, ءوندىرىس كولەمى جانە شىعا­رى­لىپ وتىرعان ماتەريالدار­دىڭ ارتىقشىلىقتارى تۋرالى اقپارات بەردى. «جامبىلگيپس» اق گيپس وندىرۋمەن اينالىسادى, ءوزىمىزدىڭ كارەرىمىز بار. قازىر تاۋلىگىنە 600 توننا گيپس­تى وندىرە الاتىن جاڭا زاۋىت قۇرىلىسى اياقتالۋعا جاقىن, ونى 2016 جىلى ىسكە قوسۋ جوس­پارلانۋدا. گيپس ەكولوگيالىق تازا ءونىم بولىپ تابىلادى, ول جانبايدى جانە ۋىتتى زاتتاردى بولمەيدى, بۇل ەكولوگيالىق قاۋىپسىزدىك تالاپتارىنا جاۋاپ بەرەدى. قازىر ءبىز 30 مىڭ توننادان اسا قۇرعاق قۇرىلىس قوسپانى, گيپسوكارتوننىڭ 8 ملن. شارشى مەترىن جانە 50 مىڭ تونناعا جۋىق گيپس ءوندىرىپ وتىرمىز. 2016 جىلدان باستاپ ءوندىرىس كولەمى تاۋلىگىنە 600 توننا گيپستى قۇراماق, بۇل ەكسپو-2017 نىساندارىنداعى ارلەۋ جۇمىستارىن اياقتاۋعا قاجەتتى بۇكىل كولەمدى قامتا­ماسىز ەتۋگە ابدەن جەتەدى», دەدى «جامبىلگيپس» اق ساۋدا ءبولىمىنىڭ باستىعى ە.ششۋكينا. سونىمەن قاتار, كەزدەسۋگە قاتىسقان «ازمينا-مرامور» جشس ديرەكتورى رۋسلان جەت­پىسباەۆ ءوز كاسىپورنى وندىرەتىن كوك جانە جاسىل ءمارماردىڭ بىرەگەي قاسيەتتەرى جونىندە تارقاتىپ ايتىپ بەردى. «الەمدە جاسىل جانە كوك ءمارماردى وندىرەتىن تەك ءۇش كەن ورنى بار, ول ءۇندىستاندا, برازيليادا جانە بىزدە ءوندىرىلىپ, وڭدەلەدى. نەگىزىنەن, ءبىز جەكە تاپسىرىس بەرۋشىلەرمەن جۇمىس جاسايمىز, الايدا قازىر ءبىز «استانا ەكسپو-2017» ۇك-مەن ىنتى­ماق­تاسۋ تۋرالى كەلىسىمشارتقا وتىراتىن بولساق, ءبىز رەسپۋبليكالىق دەڭگەيگە شىعاتىن بولامىز», – دەپ اتاپ ءوتتى ول. رەسمي ءبولىمنىڭ سوڭىنا قاراي باس مەردىگەرلەر مەن ايماقتىق جەتكىزۋشىلەر جۇمىسقا قاتىستى ماسەلەلەردى تالقىلاپ, ىسكەرلىك بايلانىستاردى ۇزبەۋگە كەلىستى. 2015 جىلدىڭ 26 مامىرىندا «استانا «ەكسپو-2017» ۇك جانە جامبىل وبلىسىنىڭ اكىمدىگى وبلىستاعى تاۋار وندىرۋشىلەردى ەكسپو-2017 حالىقارالىق ما­مان­داندى­رىلعان كورمەسىنىڭ قۇرىلىسىنا تارتۋ تۋرالى مەمو­راندۋمعا قول قويعانىن ەسكە سالامىز. وسىنداي كەزدەسۋلەر پاۆلودار, وڭتۇستىك قازاقستان جانە قا­راعاندى وبلىستارىنىڭ كاسىپ­ورىندارىمەن دە وتكىزىلدى. «ەگەمەن-اقپارات».