قار قۇرساۋىنان قۇتقارىلدى

اتىراۋداعى قۇلسارى قالاسىنىڭ 4 تۇرعىنى 18 قاڭتاردا تۇسكە جاقىن «لادا گرانتا» جەڭىل كولىگىمەن اقتوبە وبلىسىنا بارۋ ءۇشىن جولعا شىعىپتى. ولار بايعانين اۋدانىنداعى ويماۋىت اۋىلىندا وتەتىن ساداقاعا قاتىسپاق بولعان. جولاۋشىلار سول كۇنى كەشكىلىك 17.00. ساعاتتا اعايىندارىمەن تەلەفونمەن بايلانىسىپ, قۇلسارىدان 200 شاقىرىم قاشىقتاعى «قاراجار قىستاعىنىڭ ماڭىندامىز» دەپتى. سودان كەيىن ولارمەن بىردە-ءبىر رەت ۇيالى تەلەفونمەن بايلانىسۋ مۇمكىن بولماعان. تەلەفون بايلانىسى ۇزىلگەنىنە الاڭداعان اعايىندارىنىڭ حابارلاۋىمەن 19 قاڭتاردا جولاۋشىلاردى ىزدەۋ باستالدى. ىزدەۋ جۇمىستارىنا توتەنشە جاعدايلار دەپارتامەنتىنەن «ترەكول» جول تالعامايتىن كولىگى, قۇتقارۋشىلار مەن دارىگەر جۇمىلدىرىلدى. كومەككە «دوسسورمۇنايگاز» باسقارماسىنان ءبىر «دجيپ» كولىك پەن مۇنايشىلار دا قول ۇشىن سوزدى. ىزدەۋشىلەر كەشكە جاقىن جولاۋشىلاردى قىزىلقوعا اۋدانى اۋماعىنداعى «اقسۋات» قىستاۋىنان 18 شاقىرىم جەردەن تاپتى. بەلگىلى بولعانىنداي, جولاۋشىلار كولىگى قارعا باتىپ قالىپتى. بۇل ماڭدا ۇيالى بايلانىس جەلىسى ۇستامايدى ەكەن. كولىكتەگى ءتورت جولاۋشى – ەكى ەر جانە ەكى ايەل ادام قۇتقارىلدى. جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەت : http://img.nur.kz