ۇلتتىق كومپانيانىڭ مالىمەتىنشە, 2026 جىلعى 8 ناۋرىزدا اتالعان تراسسانىڭ 29-شاقىرىمىندا ورنالاسقان سانيتاريالىق-گيگيەنالىق توراپ ۋاقىتشا جابىق بولعان. وسى جايت بويىنشا قىزمەتتىك تەكسەرۋ جۇرگىزىلگەن.
«تەكسەرۋ ناتيجەسىندە قاتاڭ تارتىپتىك شارالار قابىلدانىپ, سەرۆيستىك كومپانيانىڭ وڭىرلىك فيليالىنىڭ باسشىسى قىزمەتىنەن الىندى. سونىمەن قاتار, ۇلتتىق كومپانيانىڭ فيليالى مەن ورتالىق اپپاراتىنىڭ بىرقاتار قىزمەتكەرلەرى جاۋاپكەرشىلىككە تارتىلدى», دەپ حابارلادى «قازاۆتوجول» ۇلتتىق كومپانياسى
قازىرگى تاڭدا ەلىمىزدەگى رەسپۋبليكالىق ماڭىزى بار اۆتوجولدار بويىندا 176 مودۋلدىك جىلى سانيتاريالىق-گيگيەنالىق توراپ ورناتىلعان. ولاردى پايدالانۋعا بەرۋ جۇمىستارى كەزەڭ-كەزەڭىمەن جۇرگىزىلىپ جاتىر. نىسانداردا ىسكە قوسۋ-رەتتەۋ جۇمىستارى مەن ينجەنەرلىك جەلىلەرگە قوسۋ پروتسەستەرى اياقتالۋعا جاقىن.
گاز ولشەۋدەگى زاڭبۇزۋشىلىق: قاراعاندىدا ستانتسياعا ايىپپۇل سالىندى
بيىل جول ينفراقۇرىلىمىن دامىتۋ اياسىندا 10 وڭىردە تاعى 13 جاڭا سانيتاريالىق توراپ سالۋ جوسپارلانعان. ونىڭ سەگىزى ۇلتتىق كومپانيانىڭ ءوز قاراجاتى ەسەبىنەن, ال بەسەۋى مەملەكەتتىك-جەكەشەلىك ارىپتەستىك ارقىلى جۇزەگە اسىرىلادى.
سونداي-اق جول پايدالانۋشىلارىمەن كەرى بايلانىستى كۇشەيتۋ ءۇشىن بارلىق سانيتاريالىق توراپتاردا QR-كودتار ورناتىلعان. ولار ارقىلى ازاماتتار «1403» بايلانىس ورتالىعىنا نەمەسە WhatsApp ارقىلى ديسپەتچەرلىك قىزمەتكە تىكەلەي حابارلاسا الادى.
12 ناۋرىزدان باستاپ كامەرالار قانداي زاڭبۇزۋشىلىقتار ءۇشىن ايىپپۇل سالادى؟
ۇلتتىق كومپانيا وكىلدەرى جول بويى سەرۆيستىك نىسانداردىڭ سانيتاريالىق جاعدايى تۇراقتى باقىلاۋدا ەكەنىن اتاپ ءوتتى. قابىلدانعان شارالار قىزمەت ساپاسىن ارتتىرۋ مەن نىسانداردىڭ ۇزدىكسىز جۇمىسىن قامتاماسىز ەتۋگە باعىتتالعان.
