تايقازان –  ءتور التايدا

شىعىسقازاقستاندىقتار «قا­زاق­ستان حالقى اسسامبلەياسى – 20 ىزگى ءىس» ەستافەتاسىن زور قوشە­مەت­پەن قارسى الدى. وبلىس ورتالى­عىنا كىرەبەرىستە قاسقايىپ تۇرعان قاراكەرەي قابانباي باتىردىڭ وتكەن جىلى اشىلعان ءزاۋلىم ەسكەرت­كىشىنىڭ جانىندا ەلىمىزدىڭ كوك باي­راعى مەن قازاقستان حالقى اس­سام­بلەياسىنىڭ جانە اسسام­بلەيا جىلىنىڭ تۋلارى جەلبى­رە­گەن اۆتوكولىك كەرۋەنى اتالعان ەس­تا­فەتانىڭ باستى نىشانى – «تاي­قازاندى» توبەلەرىنە كوتەرە ەنگەندە شىعىس ءوڭىرىنىڭ اق جاۋلىقتى اجەلەرى شاشۋ شاشىپ, جەرگىلىكتى ونەرپازدار اسقاقتاتا ءان شىرقاپ, كۇمبىرلەتە كۇي شەرتىپ, ايرىقشا سالتاناتپەن كۇتىپ الىستى. بۇدان كەيىن ەستافەتا مۇشەلەرى وسكەمەننىڭ ورتالىق الاڭىنداعى اباي ەسكەرتكىشىنە تاعزىم ەتىپ, گۇل شوقتارىن قويدى. وبلىس ورتا­لىعىندا «تايقازاندى» ءوڭىر باسشىلارى, ەتنومادەني بىرلەس­تىك­تەردىڭ وكىلدەرى مەن قالا جۇرت­شىلىعى قارسى الدى. «Subaru club ukg» اۆتوكولىك تىزبە­گى ءارى قاراي وزدەرىنىڭ ۇلى وتان سو­عى­سى­نىڭ ارداگەرلەرىنە ارنالعان ماتە­ريالدىق كومەكتەرىن جەتكىزدى. سودان سوڭ «دوستىق ۇيىندە» باس­پا­سوز وكىلدەرىمەن كەزدەسىپ, ءماسليحات قۇردى. تايقازان – توقشىلىقتىڭ, بە­رەكە-بىرلىكتىڭ نىشانى. تاي­قازاننىڭ كوشىرمەسى اقپان ايىنىڭ باسىندا ەلىمىزدەگى تاتۋلىق پەن كەلىسىمنىڭ كورىنىسى رەتىندە قاسيەتتى تۇركىستاننان ەلورداعا جەتكىزىلگەن بولاتىن. استانادان باستالعان اۆتوكولىك كەرۋەنى تايقازاندى ەلىمىزدىڭ بارلىق وبلىستارىمەن الىپ وتپەك. وسىعان دەيىن بىرنەشە وڭىرلەردى ارالاپ ۇلگەرگەن تايقازاننىڭ ءىشىن وتانداستارىمىز ءتۇرلى قايىرىمدىلىق يدەيالارى مەن جوسپارلارى جازىلعان جازبالارعا تولتىرادى. بۇل باستامالار بيىلعى اسسامبلەيا جىلى اياسىندا جۇزەگە اسىرىلماق. – شىعىس قازاقستان وبلىسىنىڭ تۇرعىندارى «تايقازان» ەستافەتاسىن قارسى الدى. ۇلتىمىز ءۇشىن قاسيەتى بولەك جادىگەر الدىمەن سەمەي شاھارىنا جەتكىزىلگەن بولاتىن. ەندى, مىنە, وسكەمەندىك تۇرعىندار دا اسىعا كۇتكەن ەستافەتامەن قاۋىشىپ, تايقازاندى كورۋ باقىتىنا يە بولدى. بۇل جادىگەر وبلىس ورتالىعىندا ءبىراز كۇن بولادى. شىعىسقازاقستاندىقتار قاسيەتتى جادىگەردىڭ وڭىرىمىزگە كەلۋىن جاقسىلىققا بالاپ وتىر, – دەدى وبلىستاعى قازاقستان حالقى اسسامبلەياسى حاتشىلىعىنىڭ جەتەكشىسى ەركىمبەك ايازباەۆ. ىزگى تىلەكتەرگە تولى «تايقازان» ەستافەتاسى كەلەسى كەزەكتە الماتى قالاسىنا جەتكىزىلەتىن بولادى. دۋمان اناش, «ەگەمەن قازاقستان». وسكەمەن.