فوتو: gov.kz
جوبا جوعارى انتيوكسيدانتتىق بەلسەندىلىگى بار, ونكولوگيالىق جانە جۇرەك-قان تامىرى اۋرۋلارىنىڭ الدىن الۋعا ىقپال ەتەتىن قولجەتىمدى ءارى ءتيىمدى ونىمدەر جاساۋعا باعىتتالعان.
دارىگەرلەر جي كومەگىمەن ينسۋلت پەن ونكولوگيالىق اۋرۋلاردى ەرتە انىقتاپ جاتىر
«بيولوگيالىق بەلسەندى قوسپانىڭ (ببق) نەگىزگى قۇرامداس بولىگى – ايقىن پروفيلاكتيكالىق قاسيەتتەرگە يە تابيعي انتيوكسيدانت ليكوپين. ونىڭ تاعام راتسيونىندا جەتكىلىكسىز بولۋى يممۋنيتەتتىڭ تومەندەۋىنە جانە سوزىلمالى اۋرۋلار قاۋپىنىڭ ارتۋىنا اسەر ەتۋى مۇمكىن. جوبا اياسىندا پايدالى زاتتاردى بارىنشا ساقتاي وتىرىپ, قىزاناق پەن قاربىزدان ۇنتاق الۋ تەحنولوگياسى ازىرلەندى. قايتا وڭدەۋدە ءليوفيلدى جانە ينفراقىزىل كەپتىرۋدى قولدانۋ شيكىزاتتىڭ ءتۇسىن, حوش ءيىسىن جانە بيولوگيالىق قۇندىلىعىن ساقتاۋعا مۇمكىندىك بەرەدى», دەلىنگەن اۋىل شارۋاشىلىعى مينيسترلىگى تاراتقان حابارالامادا.
اقتاۋدا العاش رەت ونكولوگيالىق اۋرۋلاردى ەرتە دياگنوستيكالاۋ ورتالىعى اشىلدى
الىنعان كومپونەنتتەر نەگىزىندە اعزانىڭ بەلسەندى زاتتارعا تاۋلىكتىك قاجەتتىلىگىن قامتاماسىز ەتەتىن ببق-نىڭ وڭتايلى قۇرامى ازىرلەنگەن. ونىڭ قۇرامىنا ليكوپين, قىزاناق ۇنتاعى, قاربىز ۇنتاعى, اسقاباق ءدانىنىڭ ۇنتاعى جانە ماقسارى مايى كىرەدى. مۇنداي ۇيلەسىم جوعارى بيوجەتىمدىلىكتى, ايقىن انتيوكسيدانتتىق اسەردى جانە جاقسى ورگانولەپتيكالىق قاسيەتتەردى قامتاماسىز ەتىپ, ءونىمدى تۇراقتى قولدانۋعا ىڭعايلى ەتەدى.
