فوتو: اشىق دەرەككوز
16 ناۋرىزداعى جاعداي بويىنشا, اقمولا وبلىسىنداعى سىلەتى سۋ قويماسىنان سەكۋندىنا 1,74 تەكشە مەتر, ال شاعالالى سۋ قويماسىنان سەكۋندىنا 1,16 تەكشە مەتر سۋ جىبەرىلىپ جاتىر.
اقتوبە وبلىسىندا اقتوبە سۋ قويماسىنان سەكۋندىنا 1 تەكشە مەتر, قارعالى سۋ قويماسىنان سەكۋندىنا 0,3 تەكشە مەتر سۋ اعىزىلىپ جاتىر. قازىرگى ۋاقىتتا بۇل ەكى نىساننىڭ تولۋ دەڭگەيى ورتا ەسەپپەن 36% شاماسىندا.
شىعىس قازاقستان وبلىسىندا سۋ جىبەرۋ كولەمى ايتارلىقتاي جوعارى. بۇقتىرما سۋ قويماسىنان سەكۋندىنا 552 تەكشە مەتر, وسكەمەن سۋ قويماسىنان سەكۋندىنا 421 تەكشە مەتر سۋ جىبەرىلىپ جاتىر. ال اباي وبلىسىنداعى ءشۇلبى سۋ قويماسىنان سەكۋندىنا 651 تەكشە مەتر سۋ اعىزىلىپ جاتىر.
باتىس قازاقستان وبلىسىندا دا تاسقىن سۋدى رەتتەۋ شارالارى جۇرگىزىلۋدە. كيروۆ سۋ قويماسىنان سەكۋندىنا 5 تەكشە مەتر, بىتىك سۋ قويماسىنان سەكۋندىنا 14 تەكشە مەتر, ال دوڭگەلەك جانە پياتيمار سۋ قويمالارىنان سەكۋندىنا 2 تەكشە مەتردەن سۋ جىبەرىلىپ وتىر.
قازاقستان جولدارىندا سۋ تاسقىنى قاۋپى بار 200-دەن استام ۋچاسكە انىقتالدى
قاراعاندى وبلىسىندا ىنتىماق سۋ قويماسىنان سەكۋندىنا 3 تەكشە مەتر, سامارقاند سۋ قويماسىنان دا سەكۋندىنا 3 تەكشە مەتر سۋ اعىزىلىپ جاتىر.
قوستاناي وبلىسىندا جوعارعى توبىل سۋ قويماسىنان سەكۋندىنا 1,1 تەكشە مەتر, قاراتومار سۋ قويماسىنان سەكۋندىنا 3 تەكشە مەتر سۋ جىبەرىلىپ وتىر.
ال سولتۇستىك قازاقستان وبلىسىندا سەرگەەۆ سۋ قويماسىنان سەكۋندىنا 15,8 تەكشە مەتر, پەتروپاۆل سۋ قويماسىنان سەكۋندىنا 13,9 تەكشە مەتر سۋ اعىزىلىپ جاتىر.
