اقش-تا ايەل ادام 50 شاقىرىم جەردى ءجۇزىپ ءوتتى

استانا. 14 تامىز. امەريكالىق كيم چەمبەرس (Kim Chambers) 50 شاقىرىمدىق قاشىقتىقتى ءجۇزىپ وتكەن تاريحتاعى ەڭ العاشقى ايەل اتاندى. بۇل تۋرالى ras.kz حابارلادى. ول فاراللون ارالىنان «التىن قاقپا» (Golden Gate) كوپىرىنە دەيىنگى ارالىقتى ءجۇزىپ ءوتىپ, سۋداعى ەڭ قاۋىپتى بەلەستەردىڭ ءبىرىن باعىندىردى. وقيعا وتكەن جۇما كۇنى ورىن الدى. سول كۇنى كەشكە 38 جاستاعى جۇزگىش سالقىن سۋعا ءتۇسىپ جورىعىن باستادى. ال مارەگە 17 ساعات وتكەننەن كەيىن جەتتى. «بۇكىل كوماندام مەنى باس بارماقتارىن جوعارى كوتەرىپ, قولداپ تۇردى. ماعان بۇل ارالىقتى ءجۇزىپ شىعۋ وڭاي بولعان جوق», – دەدى كيم چەمبەرس. وسىنشا ۋاقىتقا سوزىلعان ءجۇزۋ بارىسىندا ونىمەن قاتارلاسىپ اناسى مەن كوماندانىڭ 16 مۇشەسى قايىقپەن ءجۇزىپ وتىرعان. ولار قاۋىپ تونە قالعان جاعدايدا كومەككە كەلمەكشى بولعان. كيم چەمبەرس – بۇرىنعى بالەرينا. ول قايعىلى وقيعادان كەيىن اياعى تۇگەلگە جۋىق جانسىزدانىپ قالعان اياعىن قالپىنا كەلتىرۋ جۇزۋمەن اينالىسۋدى باستاپتى. بۇرىن فاراللون ارالى مەن اتالعان كوپىردىڭ ارالىعىن ءتورت ەر كىسى ءجۇزىپ وتكەن ەكەن. بۇل جەردىڭ قاۋىپتىلىگى, وندا ارال مەن سان-فرانتسيسكو جاعالاۋىنداعى تاسباقالارمەن قورەكتەنەتىن ۇلكەن اق اكۋلالار كوپتەپ كەزدەسەدى. تالعات رايىمبەك. دەرەك, سۋرەت: ras.kz.