«سايلاۋ ۋچاسكەلەرىندە بايقاعانىمنىڭ نەگىزىندە رەسپۋبليكالىق رەفەرەندۋم اياسىندا داۋىس بەرۋ پروتسەسى قولدانىستاعى زاڭناماعا سايكەس ءوتىپ جاتىر دەگەن قورىتىندىعا كەلدىم. پروتسەدۋرالار اشىق, ستاندارتتارعا ساي بولدى. ازاماتتار ءوز ەركىن بىلدىرە الدى. ەشقانداي ارالاسۋلار مەن قانداي دا ءبىر وقيعالار بولماعانىن اتاپ وتكىم كەلەدى», دەدى اوسشك-ءنىڭ جاڭا سىن-قاتەرلەر مەن قاۋىپتەر ولشەمى بويىنشا ساراپشىسى, ەلشى مۋتاز فالەح سالەح الحياسات.
اوسشك ادام ولشەمى سالاسىنداعى ساراپشىسى, ەلشى يسمات دجاحان دا ءوز پىكىرىن ءبىلدىرىپ, بارلىعى بەيبىت جاعدايدا وتكەنىن اتاپ ءوتتى.
«مەن اوسشك حاتشىلىعىنداعى ارىپتەسىممەن بىرگە ءۇش سايلاۋ ۋچاسكەسىندە رەفەرەندۋم پروتسەسىن بايقاۋ مۇمكىندىگىنە يە بولدىم. مەن دە ءدال وسىنداي قورىتىندىعا كەلدىم: جالپى العاندا, كەڭىستىكتى ۇيىمداستىرۋ وتە ساپالى بولدى, ادامدار كەلىپ, بيۋللەتەندەرىن جاشىككە سالىپ, وتە ريزا كۇيدە كەتىپ جاتتى. بارلىعى بەيبىت جاعدايدا ءوتتى. ءتىپتى كىشكەنتاي بالالار دا وتباسىنىڭ ەرەسەك مۇشەلەرىنە ەرىپ كەلىپ جاتتى. بۇل حالىق اراسىنداعى ىنتانىڭ بار ەكەنىن كورسەتەدى. سونداي-اق جاس بۋىن ءۇشىن ءوز ساياسي قۇقىقتارىن پايدالانۋدىڭ ماڭىزدى ەكەنىن كورسەتەتىن ۇلگى», دەدى سپيكەر.
وزبەكستان وسك توراعاسى: جاستار بەلسەندىلىگى – ازاماتتىق جاۋاپكەرشىلىك كورىنىسى
