جۋرناليستەرمەن جۇزدەسكەن «Social Project Management» ورتالىعى قوعامدىق ۇيىمىنىڭ مۇشەسى ەرلان تاڭىربەرگەنوۆ پەن اۋعان ارداگەرلەرىن ۇيلەستىرۋ كەڭەسىنىڭ مۇشەسى ماقسات مامادياروۆ رەفەرەندۋمنىڭ ءوتۋ بارىسى تۋرالى مالىمەتپەن ءبولىستى.
بريفينگكە قاتىسۋشىلار الماتى تۇرعىندارىنىڭ ەل ومىرىندەگى ماڭىزدى ساياسي وقيعاعا بەلسەندى ۇلەس قوسىپ جاتقانىن اتاپ ءوتتى. دەگەنمەن ساراپشىلاردىڭ بولجامىنشا, داۋىس بەرۋشىلەردىڭ لەگى تۇستەن كەيىن قارقىن الماق. قالا اۋماعىندا بارلىعى 1300-دەن استام تاۋەلسىز بايقاۋشى رەفەرەندۋمنىڭ ءار ءساتىن قالت جىبەرمەي قاداعالاپ وتىر. سونداي-اق قالانىڭ بارلىق اۋداندارىنان 80-گە تارتا مامان سوڭعى اقپاراتتاردى جەدەل شتابقا جولداپ وتىر.
ۆااگن وۆاكيميان: قازاقستان حالقىنىڭ اۋىزبىرشىلىگىنە ءتانتى بولدىم
ماقسات مامادياروۆتىڭ ايتۋىنشا, تاۋەلسىز باقىلاۋشىلار تاڭعى ساعات 07:00-دەن باستاپ بارلىق رەفەرەندۋم ۋچاسكەسىندە جۇمىسىن باستاعان.
«قازىر ءبىزدىڭ 1308 تاۋەلسىز باقىلاۋشىمىز ۋچاسكەلەردە جۇمىس ىستەپ وتىر. سونىمەن قاتار 654 كاپيتان باقىلاۋ پروتسەسىن ۇيلەستىرەدى. بۇدان بولەك, ءموبيلدى توپتار دا بار. قازىرگى ۋاقىتقا دەيىن قانداي دا ءبىر زاڭعا تومپاق ارەكەت تىركەلگەن جوق. الماتى تۇرعىندارىنىڭ بەلسەندىلىگى تاڭنان باستالدى. بۇل ءبىزدى قۋانتادى. داۋىس بەرۋ ناتيجەلەرى مەن قاتىسۋ كورسەتكىشى تۋرالى اقپاراتتى كەشكە جاريالايمىز», دەدى ماقسات مامادياروۆ.
سپيكەرلەر ازاماتتاردى ارانداتۋشىلىقتارعا سەنبەۋگە شاقىرىپ, تەك رەسمي جانە تەكسەرىلگەن اقپارات كوزدەرىنە نازار اۋدارۋعا كەڭەس بەردى.
ء«بىز بارلىق ۋچاسكەنى ءجىتى باقىلاپ وتىرمىز. قانداي دا ءبىر زاڭبۇزۋشىلىق انىقتالعان جاعدايدا, بۇل تۋرالى سەنىمدى اقپارات كوزدەرى ارقىلى حابارلايمىز. رەفەرەندۋم بارىسىندا ءتۇرلى اسەرلى ساتتەرگە كۋا بولدىق. ماسەلەن, بۇگىن 18 جاستاعى الماتىلىق ءوز تۋعان كۇنىندە كەلىپ, تاريحي تاڭداۋعا ءۇن قوستى. تاعى ءبىر 101 جاستاعى اجەي رەفەرەندۋمعا ءوز اياعىمەن كەلىپ, ەلىمىزگە باياندى باق تىلەپ, باتا بەردى», دەيدى ەرجان تاڭىربەرگەنوۆ.
