الماتى. 14 تامىز. كەشە كەشىلىك باستالعان نوسەرلى جاڭبىر ءالى دە توقتاماي جاۋىپ تۇر. الماتىلىقتار ءۇشىن بۇگىنگى كۇننىڭ باستى دا ەڭ ماڭىزدى جاڭالىعى وسى. بۇل تۋرالى egemen.kz حابارلادى.
ءدال مۇنداي نوسەرلى جاڭبىردىڭ مامىر ايىنىڭ 9-نان كەيىن بولماعانىن قالا تۇرعىندارى ۇمىتقان جوق. الا جازداي الاتاۋ مۇنارتىپ, كۇن شىجىپ, تەرمومەتر + 40 گردۋستىڭ توڭىرەتىندە تۇرىپ العان. 27 شىلدە كۇنى سوڭعى رەت جاڭبىر ءبىر ساتكە عانا شاڭ باسىپ, سەبەلەپ قانا وتكەن. وسى ەكى ارادا قۋىقتاي قانا ەلەۋسىز قارعالى ەشكىم كۇتپەگەن وزەنىنەن سەل ءجۇردى. سەل دەگەن اتى بولماسا تاۋ بوكتەرىنەن باستاۋ الاتىن قالانىڭ ەكى شاعىن اۋداندارىنىڭ كوشەلەرىنەن قوي تاستار ارالاسقان لاي اقتى. ايتەۋىر, ادامدار امان. تابيعات اپاتىنىڭ زاردابىن جويۋ ءالى دە قارقىندى ءجۇرىپ جاتىر.
الماتى اسپانىنىڭ تۇنەرىپ تۇرعانىنا قاراعاندا جاڭبىر جۋىق ارادا باسىلمايتىن سياقتى... حالىق بىردەن جىلى كيىنىپ, قولشاتىر ۇستادى.
تالعات ءسۇيىنباي.
دەرەك, سۋرەت: egemen.kz.
