اقتوبە وبلىسىنداعى رەفەرەندۋم ۋچاسكەلەرىندە زاڭبۇزۋشىلىق تىركەلگەن جوق

30 رەت

كورسەتىلدى

1 مين

وقۋ ءۇشىن

اقتوبە قالاسىنداعى جاعالاۋ كوشەسى بويىنداعى «گۇلداۋرەن» بالاباقشاسىندا ورنالاسقان №119 سايلاۋ ۋچاسكەسى تاڭعى ساعات 7:00-دە جاڭا كونستيتۋتسيا جوباسى بويىنشا وتكىزىلىپ جاتقان رەفەرەندۋمعا داۋىس بەرۋگە كەلگەن العاشقى تۇرعىندارعا ەسىگىن اشتى. ءوز سايلاۋ ۋچاسكەسىنە داۋىس بەرۋگە ەڭ ءبىرىنشى بولىپ كەلگەن وبلىستىق وباعا قارسى كۇرەس ستانساسىنىڭ ينجەنەر-مەحانيگى مارات شەريپوۆكە №119 سايلاۋ ۋچاسكەسىنىڭ توراعاسى كۇلسىم تولەمبايقىزى شوقپاروۆا سىيلىق تابىستادى. مارات شەريپوۆ وبامەن كۇرەس مەكەمەسىندە 18 جىلدان بەرى جۇمىس ىستەيدى. ەكى بالانىڭ اكەسى, نەمەرەلەرى بار. ول تۇرعىنداردى بۇگىنگى ساياسي ناۋقانعا بەلسەندىلىكپەن قاتىسىپ, ازاماتتىق ۇستانىمدارىن بىلدىرۋگە شاقىرادى, دەپ حابارلايدى Egemen.kz.

بايان قۋاندىققىزى

اقتوبە وبلىسىنداعى رەفەرەندۋم ۋچاسكەلەرىندە زاڭبۇزۋشىلىق تىركەلگەن جوق

كۇلسىم شوقپاروۆانىڭ ايتۋىنشا, وسى ۋچاسكەدە 3 مىڭنان استام داۋىس بەرۋشى تىركەلگەن. تاڭعى ساعات 7:00 مەن 7:30-دىڭ اراسىندا 40 ادام داۋىس بەرىپ ۇلگەرگەن.

ۇلىتاۋ وبلىسىنىڭ اكىمى داۋىس بەردى

ايتا كەتۋ كەرەك, اقتوبە وبلىسىنداعى 528 رەفەرەندۋم ۋچاسكەسى تاڭعى ساعات 7:00-دەن باستاپ جۇمىسىن باستادى. وڭىردە داۋىس بەرۋ زاڭناماسىنا سايكەس 577 053 ازامات داۋىس بەرۋ قۇقىعىنا يە. وسى ۋاقىتقا دەيىن ەشقانداي زاڭبۇزۋشىلىق تىركەلگەن جوق.