ءىس-شارا اياسىندا ورتالىق كوممۋنيكاتسيالار الاڭىنان سىرتقى ىستەر مينيسترلىگى, ءىىم جانە باس پروكۋراتۋرا وكىلدەرى ماڭىزدى مالىمەتتەرمەن ءبولىستى.
«رەفەرەندۋم كەزىندە 54 ەلدە ورنالاسقان 71 رەفەرەندۋم ۋچاسكەسى جۇمىس ىستەيدى. اسكەري cاياسي وقيعالار مەن شەتەلدەگى داۋىس بەرەتىن ازاماتتار سانىنىڭ ازدىعىنا بايلانىستى 10 ەلدەگى 11 ۋچاسكە اشىلمايدى. جالپى شەتەلدەردەگى ۋچاسكەلەردەن داۋىس بەرەتىن ازاماتتاردىڭ سانى − 14380 ادام. رەفەرەندۋمدا داۋىس بەرۋ استانا ۋاقىتىمەن 3-تە توكيو جانە سەۋل قالاسىندا باستالدى. 9-عا دەيىن 34 ۋچاسكە اشىلىپ, ول جەردە 354 ادام داۋىس بەرىپ ۇلگەرگەن», دەدى سىرتقى ىستەر ءمينيسترىنىڭ ورىنباسارى ارمان يسەتوۆ.
بۇگىن ەلىمىزدىڭ ءىرى قالالارىندا قوعامدىق كولىكپەن قاتىناۋ تەگىن بولادى
سونداي-اق باس پروكۋراتۋراسىنىڭ قوعامدىق مۇددەلەردى قورعاۋ قىزمەتى باسقارماسىنىڭ باسشىسى بەكجان قارامانوۆ داۋىس بەرۋ زاڭ اياسىندا ءوتىپ جاتقانىن مالىمدەدى.
«تىنىشتىق كۇنى قوعامدا ەكى زاڭسىز ساۋالناما جۇرگىزۋ فاكتىسى انىقتالدى. تۇلعالار انىقتالىپ, كىناسىن تولىق مويىندادى. زاڭسىز جازبالار جويىلدى. داۋىس بەرۋ كۇنى دە ۇگىت-ناسيحاتقا تىيىم سالىنادى», دەدى بەكجان قارامانوۆ.
ورتالىق كوممۋنيكاتسيالار الاڭىندا ىشكى ىستەر مينيسترلىگى رەسمي وكىلى شىڭعىس الەكەشەۆ ىشكى ىستەر ورگاندارى رەفەرەندۋمنىڭ قاۋىپسىز ءوتۋىن قامتاماسىز ەتىپ جاتقانىن حابارلادى.
رەفەرەندۋم: ۇلىتاۋ وبلىسىندا 127 ۋچاسكە جۇمىسىن باستادى
«بارلىق جەكە قۇرام قىزمەتتىڭ كۇشەيتىلگەن رەجيمىنە كوشىرىلگەن. باسشىلىق جانە كوماندالىق قۇرام تاۋلىك بويى كەزەكشىلىك اتقارىپ جاتىر. مەملەكەتتىك ورگاندارمەن بىرلەسە وتىرىپ, رەفەرەندۋم ۋچاسكەلەرى الدىن الا تەكسەرىلدى. ولاردىڭ تەحنيكالىق, ءورت قاۋىپسىزدىگى, تەرروريزمگە قارسى قورعانىسى قارالدى. بارلىق ۋچاسكە تاۋلىك بويى كۇزەتكە الىنعان. پوليتسيا قىزمەتكەرلەرى داۋىس بەرۋ زالدارىندا بولمايدى. ولار تەك كوميسسيا توراعاسىنىڭ شاقىرۋىمەن جانە قوعامدىق ءتارتىپ بۇزىلعان جاعدايدا عانا كىرە الادى. قازىرگى ۋاقىتتا ەلدەگى جاعداي تۇراقتى. تولىق باقىلاۋدا», دەدى شىڭعىس الەكەشەۆ.
