سولاردىڭ قاتارىندا 57 جىل وتاسقان رىسبەك قۇتجانوۆ پەن ءناسىپ ابىشەۆا دا بار. ۇلگىلى جۇپ ەلدىك ماڭىزى بار ناۋقاننان شەت قالماي, №100 ۋچاسكەگە كەلىپ, ازاماتتىق بورىشتارىن ورىندادى.
وتاعاسى رىسبەك قۇتجانوۆ بۇگىندە 79 جاستا. قاريانىڭ ايتۋىنشا, ەل بولاشاعىنا قاتىستى ماڭىزدى باستامالاردان تىس قالماي, داۋىس بەرۋ – ءار ازاماتتىڭ پارىزى.
– ءبىز ءاردايىم ەل ومىرىندەگى ماڭىزدى ءىس-شارالارعا قاتىسۋعا تىرىسامىز. بۇگىنگى رەفەرەندۋم دا مەملەكەتىمىزدىڭ بولاشاعىنا قاتىستى ماڭىزدى قادام دەپ ويلايمىن. سوندىقتان ءوز تاڭداۋىمىزدى جاساپ, ازاماتتىق مىندەتىمىزدى ورىنداۋعا كەلدىك. ەلدە تۇراقتىلىق پەن بىرلىك بولسىن, – دەيدى قاريا.
ۇلگىلى جۇپقا ۋچاسكە توراعاسى ارنايى ەستەلىك سىيلىق تابىستاپ, العىس ءبىلدىردى.
جالپى, اتالعان رەفەرەندۋم ۋچاسكەسىندە شامامەن 3000-عا جۋىق سايلاۋشى تىركەلگەن. تاڭعى ۋاقىتتان باستاپ قالا تۇرعىندارى بەلسەندىلىك تانىتىپ, داۋىس بەرۋ بارىسى ۇيىمداسقان تۇردە ءوتىپ جاتىر.
سونداي-اق ۋچاسكەدە داۋىس بەرۋشىلەر ءۇشىن «جادىگەر» قولونەرشىلەر قاۋىمداستىعى شەبەرلەرى ۇلتتىق قولونەر كورمەسىن ۇسىنىپ, كەلۋشىلەر نازارىنا قازاقى ناقىشتاعى كيىم-كەشەكتەر مەن كوزدىڭ جاۋىن الاتىن اشەكەي بۇيىمدارىن قويدى. بارلىعى دا شەبەرلەردىڭ ءوز قولىنان شىققان تۋىندىلار.
قوستانايدا رەفەرەندۋم ۋچاسكەسىنە قىدىر اتا كەلىپ, تۇرعىندارعا باتا بەردى
داۋىس بەرۋگە كەلگەن تۇرعىندار ءوز تاڭداۋلارىن جاساپ بولعان سوڭ, كورمەنى تاماشالاپ, ۇلتتىق قولونەر بۇيىمدارىمەن جاقىن تانىسۋعا مۇمكىندىك الدى.
قاراعاندى وبلىسى
