«بۇگىن مەن رەفەرەندۋم ۋچاسكەسىنە كەلىپ, ەلىمىزدىڭ جارقىن بولاشاعى ءۇشىن ءوز تاڭداۋىمدى جاسادىم. بۇل – تەك ءبىزدىڭ قۇقىعىمىز عانا ەمەس, ءاربىر ازاماتتىڭ وتان الدىنداعى مىندەتى. كونستيتۋتسيا – تاۋەلسىز قازاقستاننىڭ باستى قۇجاتى, مەملەكەتىمىزدىڭ بەرىك نەگىزى», دەي كەلىپ اسحات شاحاروۆ ەلىمىزدىڭ باي-قۋاتتى بولۋى ءۇشىن جۇرتىلىقتى جۇمىلا قىزمەت ەتۋگە شاقىردى.
ءوڭىر باسشىسىنىڭ ايتۋىنشا, مەملەكەتىمىزدىڭ باعدارى اشىق جانە ايقىن: ءار ازاماتتىڭ جەكە قۇقىعى قورعالاتىن, ەكونوميكاسى جانە حالقىنىڭ ءال-اۋقاتى جوعارى مەملەكەتتىڭ تۇعىرىن بەكىتۋ. سونداي-اق ول اقتوبە وبلىسىندا رەفەرەندۋمدى وتكىزۋ ءۇشىن قاجەتتى جاعداي جاسالعانىن اتاپ ءوتتى. وڭىردەگى 528 داۋىس بەرۋ ۋچاسكەسى بارلىق جابدىقتارمەن قامتاماسىز ەتىلىپ, بىرنەشە داۋىس بەرۋ كابينالارى جاساقتالعان.
بۇگىن قازاقستان بويىنشا جاڭا كونستيتۋتسيا جوباسىنا قاتىستى رەسپۋبليكالىق رەفەرەندۋم ءوتىپ جاتىر. كامەلەت جاسىنا تولعان ءاربىر ازامات ءوز تاڭداۋىن جاساۋعا ەرىكتى.
