فوتو: election.gov.kz
رەفەرەندۋم كەزىندە 54 ەلدە ورنالاسقان 71 رەفەرەندۋم ۋچاسكەسى جۇمىس اتقاراتىن بولادى.
اسكەري-ساياسي جاعدايدىڭ شيەلەنىسۋىنە وراي جانە ازاماتتارىمىز سانىنىڭ تومەن بولۋىنا بايلانىستى, 10 ەلدەگى 11 ۋچاسكە اشىلمايدى (يران, يزرايل, يوردانيا, قاتار, ءباا (2 ۋچاسكە), ومان, ليۆان, كۋۆەيت, ۋكراينا جانە ەفيوپيا).
شەتەلدەگى داۋىس بەرەتىن قازاقستان ازاماتتارىنىڭ جالپى سانى 14 380 ادامدى قۇرادى.
رەفەرەندۋم ۋچاسكەلەرىندە داۋىس بەرۋ استانا ۋاقىتىمەن تاڭعى ساعات 03:00-دە توكيو جانە سەۋل قالالارىندا باستالدى. 08:00-گە دەيىن جالپى 23 رەفەرەندۋم ۋچاسكەسى اشىلىپ, ولارعا كەلىپ داۋىس بەرگەندەر سانى 198 ادامدى قۇرادى.
ەرلان قارين: قازاقستاندىقتار ەل بولاشاعىن تاڭداۋ تۋرالى شەشىم قابىلداۋدا
ەڭ سوڭعى اشىلىپ, جابىلاتىن رەفەرەندۋم ۋچاسكەسى اقش-تىڭ سان-فرانتسيسكو قالاسىندا ورنالاسقان. بۇل ۋچاسكە استانا ۋاقىتىمەن بۇگىن ساعات 19:00-دە اشىلادى جانە 16 ناۋرىزدا ساعات 08:00-دە جابىلادى.
داۋىس بەرگەندەردىڭ سانى بويىنشا اقپارات تۇسكە دەيىن ءار 2 ساعات سايىن, ال تۇستەن كەيىن ءار ساعات سايىن جاڭارتىلىپ تۇرادى.
ءماجىلىس توراعاسى ەرلان قوشانوۆ رەسپۋبليكالىق رەفەرەندۋمدا داۋىس بەردى
