قوستاناي. 14 تامىز. قوستاناي وبلىسىنىڭ مەڭدىعارا اۋدانىنداعى «قارقىن» شارۋاشىلىعىندا مولدوۆا اگرونومدارى تاجىريبە-سىناق وتكىزدى. ولار شارۋاشىلىقتا مايلى داقىلداردى ءۇشىنشى جىل بۋدانداستىرىپ ءوسىردى. مايلى داقىل سورتتارىن ءبىزدىڭ اۋا رايىندا ءوسىرۋدى باستى ماقسات تۇتىپ وتىر. بۇل تۋرالى egemen.kz ءتىلشىسى حابارلادى.
ۆالەنتين بەساراب كۇنباعىستىڭ مەڭدىعارا جەرىندە جەرسىنۋىن مۇقيات زەرتتەپ ءجۇر. مولدوۆادا وسەتىن كۇنباعىس سورتى قوستاناي وبلىسىندا جاقسى ءتۇسىم بەرسە, ول ۇلكەن پايدانىڭ كوزىنە اينالار ەدى. بيىل ءۇشىنشى جىل سىنالعان داقىلدىڭ جاقسى ناتيجەسى دە بار.
مايلى داقىلدىڭ بۇل ءتۇرىن ەگۋگە «قارقىن» جاۋاپكەرشىلىگى شەكتەۋلى سەرىكەستىگىنىڭ ديرەكتورى سايران بۇقانوۆ ارنايى القاپ بولگەن بولاتىن. قازاقستاننىڭ ەڭبەك ەرى سايران بۇقانوۆ: «سوڭعى جىلدارى تەك عانا بيداي ءوسىرۋ دۇرىس بولمايتىنىنا كوزىم جەتتى. شارۋاشىلىقتا بيدايدىڭ تيىمدىلىگى 10, كۇنباعىستىڭ تيىمدىلىگى 20 پايىز بولىپ وتىر», – دەدى.
بيىل سايران بالكەن ۇلى مايلى داقىلدىڭ كولەمىن 30 پايىزعا كوبەيتتى. ديقان القاپتى جىل سايىن كوبەيتەدى. مايلى داقىلدىڭ القابى اۋداننىڭ باسقا شارۋاشىلىقتارىندا دا كەڭەيىپ كەلەدى. بيىل ول بارلىق القاپتىڭ 16 پايىزىنا جەتتى, ال وسىدان بىرنەشە جىل بۇرىن ول 10 پايىزى دا بولمايتىن.
اۋدان اكىمى ۆيكتور يونەنكو: «مەملەكەت تاراپىنان جاسالىپ وتىرعان كومەك –سۋبسيديا. بيداي ءۇشىن گەكتارىنا 300 تەڭگە بەرسە, ال مايلى داقىلدىڭ گەكتارىنا 7 -11 مىڭ تەڭگە بەرەدى. بىرىڭعاي داقىلمەن قالىپ قويماۋدى ويلاستىرىپ وتىرمىز, اۋىلشارۋاشىلىعىنىڭ دامۋى وسىعان بايلانىستى بولادى», – دەدى.
ءنازيرا جارىمبەتوۆا.
دەرەك, سۋرەت: egemen.kz.
