كەڭەس بارىسىندا كوكتەمگى سۋ تاسقىنى كەزەڭىندە رەسپۋبليكالىق ماڭىزى بار اۆتوموبيل جولدارى مەن تەمىرجول جەلىلەرىندە قاۋىپسىز ءارى ۇزدىكسىز قوزعالىستى قامتاماسىز ەتۋ شارالارى قاراستىرىلدى.
«قازىرگى ۋاقىتتا رەسپۋبليكالىق اۆتوجولداردا جالپى ۇزىندىعى 160 شاقىرىمدى قۇرايتىن سۋ شايۋ قاۋپى بار 229 ۋچاسكە باقىلاۋعا الىنعان. اتالعان ۋچاسكەلەرگە 2252 بىرلىك تەحنيكا بەكىتىلىپ, كۇندەلىكتى مونيتورينگ جۇرگىزىلىپ جاتىر», دەلىنگەن حابارلامادا.
الدىن الۋ شارالارىن قابىلداۋ ماقساتىندا 40 مىڭ م³ بۋت تاسى, 16 مىڭ م³ قۇم, 5 مىڭ م³ قيىرشىق تاس جانە 23 مىڭ م³ قۇم-قيىرشىق تاس قوسپاسى, سونداي-اق 280 مىڭ قاپ دايىندالدى. سونىمەن قاتار, تاسقىن سۋدى كەدەرگىسىز وتكىزۋ ءۇشىن سۋ وتكىزگىش قۇبىرلارىن تازارتۋ جۇمىستارى جۇرگىزىلۋدە.
سۋ باسۋ قاۋپى بار ۋچاسكەلەردە 2025 جىلى 582 جاڭا سۋ وتكىزگىش قۇبىر ورناتىلدى, ال 2026 جىلى تاعى 467 قۇبىر ورناتۋ جوسپارلانىپ وتىر.
قابىلدانىپ جاتقان شارالاردىڭ ناتيجەسىندە سوڭعى ءتورت جىلدا رەسپۋبليكالىق اۆتوجولدارداعى سۋ باسۋ قاۋپى بار ۋچاسكەلەر سانى 396-دان 229-عا ازايدى.
تەمىرجول جەلىسىندە جوسپارلى تۇردە 290 ۆاگوننان تۇراتىن 45 پويىز جاساقتالدى. ولار قاجەتتى قۇرال-جابدىقتارمەن, ينەرتتى ماتەريالدارمەن, بۋت تاسىمەن جانە مەتالل كوپىر قۇرىلىمدارىمەن قامتاماسىز ەتىلگەن.
وڭتۇستىك, باتىس جانە شىعىس وڭىرلەرىندە 2350 كوپىر, 4426 سۋ وتكىزگىش قۇبىر, 1215 كم كيۋۆەت جانە 336,8 كم تاۋلى ارىقتار تولىق تازارتىلدى. بۇل جوسپارلانعان جۇمىستىڭ 100 پايىزىن قۇرايدى. سولتۇستىك وڭىردە اتالعان نىسانداردى تازارتۋ جۇمىستارى جوسپارعا سايكەس جالعاسۋدا.
سۋ تاسقىنى كەزەڭىندە جەدەل ارەكەت ەتۋ ءۇشىن قاجەتتى قۇرىلىس ماتەريالدارى دا دايىندالدى. اتاپ ايتقاندا, 2,5 مىڭ م³ بۋت تاسى, 7,4 مىڭنان استام تەمىربەتون شپالدار, 10 ينۆەنتارلىق مەتالل ارالىق قۇرىلىمدار جانە 41 ينۆەنتارلىق رەلستىك پاكەت ازىرلەندى.
كەڭەس قورىتىندىسى بويىنشا ۆيتسە-مينيستر «قازاۆتوجول» ۇك» اق, جول اكتيۆتەرى ساپاسىنىڭ ۇلتتىق ورتالىعى رمك, «قتج» ۇك» اق مجب جانە جەرگىلىكتى اتقارۋشى ورگاندارعا سۋ باسۋ قاۋپى بار ۋچاسكەلەردە تاۋلىك بويى كەزەكشىلىك ۇيىمداستىرۋدى, ءىس-قيمىلدى ۇيلەستىرۋ ءۇشىن جۇمىس توپتارىن قۇرۋدى جانە جاعدايعا تۇراقتى مونيتورينگ جۇرگىزۋدى تاپسىردى.
