قازاقستان رەسپۋبليكاسى ۇكىمەتىنىڭ قاۋلىسى № 690

2010 جىلعى 3 شىلدە  استانا, ۇكىمەت ءۇيى “ى.ءالتىنساريننىڭ ەسكەرتكىشى” رەسپۋبليكالىق ماڭىزى بار تاريح جانە مادەنيەت ەسكەرتكىشىنىڭ ورنىن اۋىستىرۋ تۋرالى “تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى” قازاقستان رەسپۋبليكاسىنىڭ 1992 جىلعى 2 شىلدەدەگى زاڭىنىڭ 38-بابى 1-تارماعىنىڭ 1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوستاناي قالاسى, ى.التىنسارين كوشەسى, 118 “ا” مەكەنجايى بويىنشا ى.التىنسارين مۇراجايىنىڭ جانىندا ورنالاسقان “ى.ءالتىنساريننىڭ ەسكەرتكىشى” رەسپۋبليكالىق ماڭىزى بار تاريح جانە مادەنيەت ەسكەرتكىشى قوستاناي قالاسى, ى.التىنسارين كوشەسى, 118 ا مەكەنجايى بويىنشا ى.التىنسارين اتىنداعى مەكتەپ-ينتەرناتتىڭ شاعىن باعىنا اۋىستىرىلسىن. 2. “رەسپۋبليكالىق ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك ءتىزىمىن بەكىتۋ تۋرالى” قازاقستان رەسپۋبليكاسى ۇكىمەتىنىڭ 2008 جىلعى 21 ناۋرىزداعى № 279 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., № 16, 147-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن رەسپۋبليكالىق ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىندە: رەتتىك ءنومىرى 130-جولدىڭ 4-باعانىندا “118 “ا”, ى.التىنسارين مۇراجايىنىڭ جانى” دەگەن سوزدەر “118 ا, ى. التىنسارين اتىنداعى مەكتەپ-ينتەرناتتىڭ شاعىن باعى” دەگەن سوزدەرمەن اۋىستىرىلسىن. 3. قازاقستان رەسپۋبليكاسى مادەنيەت مينيسترلىگى قوستاناي وبلىسىنىڭ اكىمدىگىمەن بىرلەسىپ, وسى قاۋلىدان تۋىندايتىن وزگە دە شارالاردى قابىلداسىن. 4. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى                       ك.ءماسىموۆ.