پەتروپاۆل. 13 مامىر. رەسەيدىڭ ماسكەۋ قالاسىندا جاسوسپىرىمدەر مەن قىزدار اراسىندا كەكۋشينكاي كاراتەدەن وتكەن VIII ەۋروپا اشىق چەمپيوناتىنا سولتۇستىك قازاقستان وبلىسىنان 9 سپورتشى قاتىسىپ, 2 التىن, 2 كۇمىس, 1 قولا مەدالمەن ورالدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى.
ماسكەۋ تورىنە 14 ەلدەن 300-گە جۋىق جاس كاراتەشىلەر جينالدى. ولاردىڭ اراسىنان 40 كيلو سالماققا دەيىن سىنعا تۇسكەن اليشەر اۆدونين توپ جاردى. 55 كيلو سالماق دارەجەسىنە دەيىنگى جەكپە-جەكتە ادىلبەك مولداعاليەۆ تە ەشكىمگە دەس بەرمەدى.
التىنبەك انۋاربەكوۆ (50 كگ.) پەن روديون رازۋموۆ (55 كگ.) ەكىنشى ورىندى يەلەندى. 16-17 جاس قىزدار اراسىندا كۇرەسكەن الەكساندرا جانعازينا (55 كگ.) ءۇشىنشى ورىندى يەلەندى.
ءومىر ەسقالي.
دەرەك, سۋرەتتەر: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسى.
