فوتو: gov.kz
مودەرنيزاتسيالاۋ جۇمىستارى ۆوكزالدارداعى قولجەتىمدىلىك پەن جايلىلىقتى ارتتىرىپ, اسىرەسە مۇمكىندىگى شەكتەۋلى ازاماتتار ءۇشىن قولايلى جاعداي جاساۋعا, سونداي-اق وبەكتىلەردەگى ناۆيگاتسيا مەن قاۋىپسىزدىك دەڭگەيىن جاقسارتۋعا باعىتتالعان.
كولىك مينيسترلىگىنىڭ مالىمەتىنشە, بۇگىندە 36 ۆوكزالدا قۇرىلىس-مونتاج جۇمىستارى اياقتالعان.
2025 جىلى جاقسى, كۋرورت-بۋراباي, ماكينكا, شورتاندى, ۇزىن-اعاش, شامالعان, ساعىز, ماقات, تالدىقورعان, اقشي, تەمىرتاۋ, ايسا, قۇسمۇرىن, امانقاراعاي, تالاپ, قازالى, بوزشاكول, تايىنشا جانە جاڭاەسىل ستانتسيالارىنداعى ۆوكزالداردا جوندەۋ جۇمىستارى اياقتالدى.
جاڭاقورعان, شيەلى جانە قازالى ۆوكزالدارى قاشان پايدالانۋعا بەرىلەدى؟
2026 جىلدىڭ ءبىرىنشى توقسانىندا سەميگلاۆىي مار, مىرزا, سارىشاعان, كوكتۇما, اعادىر, قاراعاندى-سۇرىپتاۋ, جاڭاقورعان, شيەلى, جەتىسۋ, قاراسور, توبىل, قالقامان, دوسسور, قىزىلجار, ساۋمالكول, جالتىر جانە اققىستاۋ ستانتسيالارىنداعى ۆوكزالداردا جوندەۋ جۇمىستارى بىتكەن.
قالعان ۆوكزالدارداعى رەكونسترۋكتسيا جۇمىستارىن بيىلعى جىلدىڭ سوڭىنا دەيىن اياقتاۋ جوسپارلانعان.
«مودەرنيزاتسيا ناتيجەسىندە جولاۋشىلار زاماناۋي كۇتۋ زالدارىنا, جاڭارتىلعان ناۆيگاتسيالىق جانە اقپاراتتىق جۇيەلەرگە, جەتىلدىرىلگەن ينجەنەرلىك شەشىمدەرگە, سونداي-اق بارلىق ساناتتاعى ازاماتتارعا ارنالعان قولايلى جاعدايلارعا يە بولادى. باعدارلامانى ىسكە اسىرۋ ەلىمىزدەگى تەمىرجول ۆوكزالدارىنىڭ ينفراقۇرىلىمىن زاماناۋي جانە حالىقارالىق ساپا مەن قاۋىپسىزدىك ستاندارتتارىنا سايكەستەندىرۋگە مۇمكىندىك بەرەدى», دەلىنگەن كولىك مينيسترلىگىنىڭ حابارلاماسىندا.
قوستاناي وبلىسىندا 6 تەمىرجول ۆوكزالى كۇردەلى جوندەۋدەن ءوتىپ جاتىر
