ماڭعىستاۋ وبلىستىق پەريناتالدىق ورتالىعىندا بەينەۋ اۋدانىنىڭ تۇرعىنى ءۇش ۇلدى ومىرگە اكەلدى. مۇقاعالي, ءشامشى, تولەگەن ەسىمدى ۇشەم تۋىلدى. ءبىر جارىم اي دارىگەرلەردىڭ باقىلاۋىندا بولىپ, جاعدايلارى تۇزەلگەن سوڭ «ءۇش باتىر» تۋعان ۇيلەرىنە جول تارتتى.
اۋىلدا بولاتباي ەسىمدى اعامىز بار. كىتاپ وقىعاندا اناۋ-مىناۋ وقىمىستىڭدى جاڭىلدىرماق تۇگىلى جولدا قالدىراتىنىنا كۇمانىم جوق. اكە تاياعىن ۇستاپ, كەڭشاردىڭ ءبىر وتار قويىن شىرق ۇيىرگەن اعامىزدىڭ قىستا تونىنىڭ قوينىنان, جازدا جەيدەسىنىڭ قالتاسىنان كىتابى تۇسپەيتىنى انىق – الىس دالا توسىندە وتاردى شالقايتا جايىپ تۇرىپ قانشا كىتاپتىڭ ىشىنە سۇڭگىپ شىققانىنىڭ سانىن ءوزى دە بىلمەس, ءسىرا! كىتاپتى كوپ وقيتىندىعى سونشالىقتى, كۇندەلىكتى سويلەۋ مانەرى دە كىتاپتىڭ كوركەم تىلىنە اينالىپ كەتكەن, ال «بالەنشە جازعان بالەنشە دەگەن كىتاپتىڭ بالەنىنشى بەتىندە بىلاي دەيدى عوي» دەگەندە, تاڭدانىسىڭىزدى جاسىرا المايسىز. دۇنيە ەسىگىن اشقان ۇشەمنىڭ ءبىرى «قازاق ءۆالسىنىڭ كورولى» اتانعان ءشامشىنىڭ, قالعان ەكەۋى حح عاسىرداعى قازاق حالقىنىڭ, قازاق ادەبيەتىنىڭ ۇزەڭگى قاعىستىرا ءجۇرىپ جىر توگىلتكەن ايتۋلى قوس اقىنى – مۇقاعالي مەن تولەگەننىڭ ەسىمدەرىن يەلەندى دەگەندى ەستىگەندە, ول اۋىلداعى بولاتباي اعامنىڭ شەشىمى بولار دەپ توپشىلادىم. ماڭعىستاۋدا بيىلعى جىلعى العاشقى ۇشەم عانا ەمەس, العاشقى ەگىزدەر بولىپ تابىلاتىن ولاردان بۇرىن وتاۋ يەسى بولار 13 جاسقا كەلگەن ۇل بالا ءوسىپ جاتقان وتباسىنىڭ يەسى, كىتاپقۇمار بولاتبايدىڭ كىشى ءىنىسى 44 جاستاعى ساكەن – ماڭعىستاۋدىڭ «سام» كەڭشارىندا ۇزاق جىل شوپان بولعان ءىزدىباي اقساقال مەن «باتىر انا» جىبەك مارقۇمداردىڭ كەنجە ۇلى. ال ساكەننىڭ جارى بالكۇمىس 40 جاسىندا وتباسىنا بىردەن تورسىق شەكەلى ءۇش ۇل سىيلاۋ باقىتىنا يە بولدى.
ماڭعىستاۋ وبلىستىق پەريناتالدىق ورتالىعىنىڭ ديرەكتورى جامال جامانباەۆانىڭ ايتۋىنشا, اناسى مەن ءسابيلەردىڭ دەنساۋلىعىنا ساي وتا ارقىلى بوساندىرىلعان. ەڭ كىشكەنتايىنىڭ سالماعى 1 كگ 800 گرامدى قۇراعان سابيلەردى ءبىر ايدان استام ۋاقىت دارىگەرلەر ءوز قاداعالاۋلارىندا ۇستاپ, جاعدايلارى قالىپقا كەلگەن سوڭ ۇيلەرىنە شىعارىپ سالعان.
قاتارعا «ات ۇستار» كەلسە, قۋانبايتىن قازاق جوق. قازاقتىڭ سانى بىردەن ءۇش ازاماتقا كوبەيىپ جاتسا, بۇل بۇكىل ەلدىڭ قۋانىشى. سوندىقتان, ماڭعىستاۋدىڭ الىس اۋدانىنداعى سام قۇمىنىڭ وسكىندەرى – مۇقاعالي مەن تولەگەنگە, شامشىگە مىقتى دەنساۋلىق تىلەيمىز. اتتارىنا ساي ايتۋلى ازاماتتار بولىپ ءوسىپ-جەتىلۋىنە تىلەكشىمىز. ال قازىرگىدەي كىتاپ وقۋ قۇردىمعا كەتىپ, ۇلتتىق بولمىسىمىزدان ۇزاڭقىراپ كەتكەن كەزدە كىتاپتى جانىنا سەرىك ەتىپ, قازاقتىڭ ۇلى تۇلعالارىن قۇرمەت تۇتقان اۋىلداعى اعايىنعا قالاي ريزا بولماسسىڭ؟!
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
اۋىلدا بولاتباي ەسىمدى اعامىز بار. كىتاپ وقىعاندا اناۋ-مىناۋ وقىمىستىڭدى جاڭىلدىرماق تۇگىلى جولدا قالدىراتىنىنا كۇمانىم جوق. اكە تاياعىن ۇستاپ, كەڭشاردىڭ ءبىر وتار قويىن شىرق ۇيىرگەن اعامىزدىڭ قىستا تونىنىڭ قوينىنان, جازدا جەيدەسىنىڭ قالتاسىنان كىتابى تۇسپەيتىنى انىق – الىس دالا توسىندە وتاردى شالقايتا جايىپ تۇرىپ قانشا كىتاپتىڭ ىشىنە سۇڭگىپ شىققانىنىڭ سانىن ءوزى دە بىلمەس, ءسىرا! كىتاپتى كوپ وقيتىندىعى سونشالىقتى, كۇندەلىكتى سويلەۋ مانەرى دە كىتاپتىڭ كوركەم تىلىنە اينالىپ كەتكەن, ال «بالەنشە جازعان بالەنشە دەگەن كىتاپتىڭ بالەنىنشى بەتىندە بىلاي دەيدى عوي» دەگەندە, تاڭدانىسىڭىزدى جاسىرا المايسىز. دۇنيە ەسىگىن اشقان ۇشەمنىڭ ءبىرى «قازاق ءۆالسىنىڭ كورولى» اتانعان ءشامشىنىڭ, قالعان ەكەۋى حح عاسىرداعى قازاق حالقىنىڭ, قازاق ادەبيەتىنىڭ ۇزەڭگى قاعىستىرا ءجۇرىپ جىر توگىلتكەن ايتۋلى قوس اقىنى – مۇقاعالي مەن تولەگەننىڭ ەسىمدەرىن يەلەندى دەگەندى ەستىگەندە, ول اۋىلداعى بولاتباي اعامنىڭ شەشىمى بولار دەپ توپشىلادىم. ماڭعىستاۋدا بيىلعى جىلعى العاشقى ۇشەم عانا ەمەس, العاشقى ەگىزدەر بولىپ تابىلاتىن ولاردان بۇرىن وتاۋ يەسى بولار 13 جاسقا كەلگەن ۇل بالا ءوسىپ جاتقان وتباسىنىڭ يەسى, كىتاپقۇمار بولاتبايدىڭ كىشى ءىنىسى 44 جاستاعى ساكەن – ماڭعىستاۋدىڭ «سام» كەڭشارىندا ۇزاق جىل شوپان بولعان ءىزدىباي اقساقال مەن «باتىر انا» جىبەك مارقۇمداردىڭ كەنجە ۇلى. ال ساكەننىڭ جارى بالكۇمىس 40 جاسىندا وتباسىنا بىردەن تورسىق شەكەلى ءۇش ۇل سىيلاۋ باقىتىنا يە بولدى.
ماڭعىستاۋ وبلىستىق پەريناتالدىق ورتالىعىنىڭ ديرەكتورى جامال جامانباەۆانىڭ ايتۋىنشا, اناسى مەن ءسابيلەردىڭ دەنساۋلىعىنا ساي وتا ارقىلى بوساندىرىلعان. ەڭ كىشكەنتايىنىڭ سالماعى 1 كگ 800 گرامدى قۇراعان سابيلەردى ءبىر ايدان استام ۋاقىت دارىگەرلەر ءوز قاداعالاۋلارىندا ۇستاپ, جاعدايلارى قالىپقا كەلگەن سوڭ ۇيلەرىنە شىعارىپ سالعان.
قاتارعا «ات ۇستار» كەلسە, قۋانبايتىن قازاق جوق. قازاقتىڭ سانى بىردەن ءۇش ازاماتقا كوبەيىپ جاتسا, بۇل بۇكىل ەلدىڭ قۋانىشى. سوندىقتان, ماڭعىستاۋدىڭ الىس اۋدانىنداعى سام قۇمىنىڭ وسكىندەرى – مۇقاعالي مەن تولەگەنگە, شامشىگە مىقتى دەنساۋلىق تىلەيمىز. اتتارىنا ساي ايتۋلى ازاماتتار بولىپ ءوسىپ-جەتىلۋىنە تىلەكشىمىز. ال قازىرگىدەي كىتاپ وقۋ قۇردىمعا كەتىپ, ۇلتتىق بولمىسىمىزدان ۇزاڭقىراپ كەتكەن كەزدە كىتاپتى جانىنا سەرىك ەتىپ, قازاقتىڭ ۇلى تۇلعالارىن قۇرمەت تۇتقان اۋىلداعى اعايىنعا قالاي ريزا بولماسسىڭ؟!
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
