استانا. 26 ماۋسىم. رەسەيدىڭ سوچي قالاسىن سۋ باستى. قارا تەڭىزدەن سوققان تسيكلوننىڭ سالدارىنان قالادا تاسقىن سەل بولدى. سوعان بايلانىستى اەروپورت, تەمىر جول جانە قالا كوشەلەرى سۋ استىندا قالدى. ناتيجەسىندە ۇشاق پەن پويىزداردىڭ قوزعالىسى توقتادى. قازىرگى كەزدە قالا تۇرعىندارىن قاۋىپسىز جەرگە كوشىرۋ جۇمىستارى قارقىندى جۇرگىزىلۋدە. بۇل تۋرالى vesti.ru حابارلادى.
تاسقىننىڭ قارقىنى ءسوچيدىڭ ادلەر, حوستينسك, كۋدەپستا جانە ورتالىق اۋداندارىندا اسا قاتتى. سەل جولىنداعى بارلىق زاتتى اعىزىپ الىپ كەتۋدە. ولاردىڭ ارسىندا اۆتوموبيلدەر دە بار. اتالعان اۋدانداردا قازىر توتەنشە جاعداي رەجىمى ەنگىزىلدى. رەسەيدىڭ توتەنشە جاعدايلار مينيسترلىگى تۇرعىندارعا جەكە كولىكتەرىمەن جولعا شىقپاۋدى ەسكەرتتى.
اپات سالدارىنان جارىق پەن گاز جەتكىزۋ قىزمەتى توقتادى. ۇيلەرىن سۋ باسقان تۇرعىندار ەكىنشى قاباتتا تۇنەپ شىعۋعا ءماجبۇر. وزگە ايماقتاردان قۇتقارۋ قىزمەتتەرى كومەككە كەلۋدە. ماماندار توتەنشە جاعدايدىڭ ءالى ساقتالاتىنىن جانە تەڭىز قۇيىنى بولۋى مۇمكىن ەكەنىن ايتۋدا.
ەلامان قوڭىر.
دەرەك: vesti.ru.
سۋرەت: 1news.az.
