اقمولا وبلىستىق دەنساۋلىق ساقتاۋ باسقارماسىنىڭ باسشىسى ەرمەك ناريماننىڭ مالىمدەۋىنشە, اجالمەن ارپالىسقان ناۋقاستاردىڭ دەنەسىن 70-85 پايىزعا دەيىن اۋىر كۇيىك شالعان. اق حالاتتى ابزال جانداردىڭ بار كۇش-جىگەرىن سالىپ, رەانيماتسيالىق شارالار جۇرگىزگەنىنە قاراماستان, جاراقاتتىڭ تىم اۋىرلىعىنان ولاردى امان الىپ قالۋ مۇمكىن بولمادى.
«كەشە ششۋچينسك اۋداندىق اۋرۋحاناسىندا اۋىر جاراقات العان ءبىر ناۋقاستان ايىرىلدىق. بۇگىن, وكىنىشكە قاراي, دەنەسىنىڭ 85 پايىزى كۇيگەن تاعى ءبىر پاتسيەنتىمىز كوز جۇمدى. دارىگەرلەر قولدان كەلگەننىڭ ءبارىن جاسادى, بىراق اسقىنۋلاردىڭ تىم اۋىرلىعى اسەر ەتتى. قازا بولعانداردىڭ جاقىندارىنا قايعىرىپ كوڭىل ايتامىز», دەدى ەرمەك ناريمان.
ەستەرىڭىزگە سالا كەتەيىك, 26 اقپان كۇنى دامحاناداعى گاز باللونىنىڭ جارىلىس بولدى. قازىرگى ۋاقىتتا 6 ناۋقاس ششۋچينسك پەن وبلىستىق اۋرۋحانانىڭ جانساقتاۋ بولىمىندە جاتىر. تاعى بەس ادام ساناۆياتسيامەن استاناداعى ۇلتتىق شۇعىل مەديتسينا ورتالىعىنا جەتكىزىلگەن. 8 تۇرعىن اۋداندىق اۋرۋحانادا امبۋلاتورلىق ەم الۋدا.
