FIDE جاريالاعان رەيتينگكە سايكەس, ءبيبىسارا اساۋباەۆا 2516 ۇپايمەن توعىزىنشى ورىنعا جايعاستى. بۇعان دەيىن ول وندىقتىڭ تومەنگى بولىگىندە بولعان.
ايەلدەر اراسىندا رەيتينگ كوشىن قىتايلىق حوۋ يفان باستاپ تۇر. ونىڭ ەنشىسىندە 2596 ۇپاي بار. ۇزدىك بەستىككە سونداي-اق قىتايدىڭ تاعى ءتورت شاحماتشىسى ەنگەن: چجۋ تسزينەر (2578), لەي تينتسزە (2566), تسزيۋي ۆەنتسزيۋن (2559) جانە تان چجۋني (2535).
العاشقى وندىقتىڭ قالعان بولىگى مىناداي: حامپي كونەرۋ ء(ۇندىستان, 2535), الەكساندرا گورياچكينا (رەسەي, 2534), اننا مۋزىچۋك (ۋكراينا, 2522), ەكاتەرينا لاگنو (رەسەي, 2508).
ساياسات نۇربەك: ءار بالا مەكتەپ كەزىنەن شاحماتتى جەتىك مەڭگەرۋى ءتيىس
ەرلەر اراسىندا الەمدىك رەيتينگتىڭ كوشباسشىسى – نورۆەگيالىق گروسسمەيستەر ماگنۋس كارلسەن. ونىڭ كورسەتكىشى – 2840 ۇپاي. ەكىنشى ورىندا امەريكالىق حيكارۋ ناكامۋرا (2810), ال ۇزدىك ۇشتىكتى تاعى ءبىر اقش وكىلى فابيانو كارۋانا (2795) تۇيىندەپ تۇر.
وسىلايشا, ءبيبىسارا اساۋباەۆانىڭ رەيتينگتەگى ىلگەرىلەۋى قازاقستاندىق شاحماتتىڭ حالىقارالىق ارەناداعى الەۋەتىن تاعى ءبىر مارتە ايقىندادى.
