قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №223 

2014 جىلعى 6 قاراشا, استانا قالاسى «دارىلىك زاتتاردى, مەديتسينالىق ماقساتتاعى بۇيىمدار مەن مەديتسينا تەحنيكاسىنىڭ اينالىسى سالاسىندا ينسپەكتسيالاۋدى جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 19 قاراشاداعى № 742 بۇيرىعىنا وزگەرىس ەنگىزۋ تۋرالى 2009 جىلعى 18 قىركۇيەكتەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 7-بابى 1-تارماعىنىڭ 71) تارماقشاسىنا سايكەس جانە ينسپەكتسيالاۋ ءراسىمىن جەتىلدىرۋ ماقساتىندا بۇيىرامىن: 1. «دارىلىك زاتتاردى, مەديتسينالىق ماقساتتاعى بۇيىمدار مەن مەديتسينا تەحنيكاسىنىڭ اينالىسى سالاسىندا ينسپەكتسيالاۋدى جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 19 قاراشاداعى №742 بۇيرىعىنا (نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №5942 بولىپ ەنگىزىلدى, قازاقستان رەسپۋبليكاسى ورتالىق اتقارۋشى جانە وزگە دە ورتالىق مەملەكەتتىك ورگاندارى اكتىلەر جيناعىندا 2010 جىلعى №7 جاريالانعان) مىناداي وزگەرىس ەنگىزىلسىن: دارىلىك زاتتاردى, مەديتسينالىق ماقساتتاعى بۇيىمدار مەن مەديتسينا تەحنيكاسىنىڭ اينالىسى سالاسىندا ينسپەكتسيالاۋدى جۇرگىزۋ ەرەجەسىندە: 38-تارماق مىناداي رەداكتسيادا جازىلسىن: «38. قىزمەت وبەكتىسى مالىمدەلگەن مەملەكەتتىك ستاندارتتارعا سايكەس كەلمەيدى دەپ تانىلعان ينسپەكتسيالاۋ سۋبەكتىسى ينسپەكتسيالاۋعا انىقتالعان اۋىتقۋلار جويىلعاننان جانە جۇرگىزىلگەن تۇزەتۋ جانە الدىن الۋ ءىس-شارالارى بويىنشا اقپارات ۇسىنىلعاننان كەيىن جالپى نەگىزدەردە ءوتىنىش بەرەدى.». 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتىك دامۋ ۆيتسە-ءمينيسترى س.ر.مۋسينوۆقا جۇكتەلسىن. 4. وسى بۇيرىق العاش رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 8 قاراشاداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9864 بولىپ ەنگىزىلدى.