وسىنداي كۇردەلى جاعدايدا Kaspi.kz ءوز كليەنتتەرىنە قولداۋ كورسەتۋ جونىندە شەشىم قابىلدادى. كومپانيا Kaspi Travel سەرۆيسى ارقىلى «بارۋ-قايتۋ» باعىتىندا تۋر نەمەسە اۋە بيلەتىن ساتىپ العان جانە قازىرگى ۋاقىتتا تاياۋ شىعىس ەلدەرىندە جۇرگەن نە ترانزيتتىك جولاۋشى رەتىندە سول وڭىردە قالىپ قويعان ازاماتتارعا ماتەريالدىق كومەك كورسەتەدى.
«تەگەران ەندى بۇرىنعىداي بولمايدى»: يزرايل مەن اقش يرانعا سوققى جاسادى
ءماجبۇرلى تۇردە وڭىردە بولعان كەزەڭدە Kaspi Gold كارتاسىنا كۇن سايىن قارجىلاي قولداۋ اۋدارىلادى. ءاربىر ەرەسەك ادامعا تاۋلىگىنە 35 مىڭ تەڭگە, ءار بالاعا 15 مىڭ تەڭگەدەن تولەنبەك. بۇل قاراجات ازاماتتاردىڭ ۋاقىتشا تۇرۋ, تاماقتانۋ جانە باسقا دا كۇندەلىكتى شىعىندارىن وتەۋگە باعىتتالعان.
كومپانيا كليەنتتەرىمەن تۇراقتى بايلانىس ورناتىپ وتىرعانىن اتاپ ءوتتى.
«Kaspi.kz ءوز كليەنتتەرىمەن تۇراقتى بايلانىستا جانە ولاردى قولداۋ ءۇشىن بارلىق قاجەتتى شارالاردى قابىلداپ وتىر», دەلىنگەن رەسمي مالىمدەمەدە.
سونداي-اق Kaspi.kz ازاماتتاردى قاۋىپسىزدىك تالاپتارىن قاتاڭ ساقتاۋعا, قاۋىپسىز ورىنداردا بولۋعا, قازاقستان ەلشىلىكتەرى مەن كونسۋلدىقتارىمەن بايلانىسىن ۇزبەۋگە جانە رەسمي ورگانداردىڭ نۇسقاۋلارىن ورىنداۋعا شاقىرادى. كومپانيا احۋالدىڭ دامۋىن ءجىتى باقىلاپ, قاجەت بولعان جاعدايدا قوسىمشا قولداۋ شارالارىن قابىلدايتىنىن جەتكىزدى.
