اتالعان شەشىم ەىدۇ-نىڭ قازاقستانداعى قوعامدىق ادالدىق جۇيەسى مەن ونىڭ ىسكە اسىرىلۋ تەتىكتەرىنە جۇرگىزگەن كەشەندى شولۋىنىڭ قورىتىندىلارى جانە ۇيىم اياسىنداعى بارلىق راسىمدەردىڭ تولىق اياقتالۋى نەگىزىندە قابىلداندى. قابىلدانعان شەشىم قازاقستاننىڭ ادالدىق جانە سىبايلاس جەمقورلىققا قارسى ساياسات سالاسىندا ەىدۇ ستاندارتتارىن ەنگىزۋ جونىندەگى مىندەتتەمەلەردى قابىلداعانىن راستايدى.
ەىدۇ-نىڭ قوعامدىق ادالدىق جونىندەگى ۇسىنىمى – مەملەكەتتىك باسقارۋ جۇيەسىندە ادالدىق مادەنيەتىن قالىپتاستىرۋعا جانە سىبايلاس جەمقورلىققا قارسى ءىس-قيمىلدىڭ زاماناۋي تاسىلدەرىن ورنىقتىرۋعا باعىتتالعان نەگىزگى حالىقارالىق قۇجاتتاردىڭ ءبىرى. قۇجات 13 قاعيداتقا نەگىزدەلگەن جانە مەملەكەتتىك اپپاراتتىڭ بارلىق دەڭگەيىندە, سونداي-اق تۇتاستاي قوعامدا ادالدىقتى قامتاماسىز ەتۋدىڭ جۇيەلى, تاۋەكەلگە باعدارلانعان ءارى كونتەكستى ەسكەرەتىن تاسىلدەرىن ىسكە اسىرۋدى كوزدەيدى.
بۇل قادام مەملەكەت باسشىسى قاسىم-جومارت كەمەل ۇلى توقاەۆتىڭ باستاماسىمەن جۇزەگە اسىرىلىپ جاتقان كاسىبي, ەسەپ بەرەتىن جانە ازاماتتارعا باعدارلانعان مەملەكەتتىك اپپاراتتى قالىپتاستىرۋ جونىندەگى رەفورمالاردىڭ ماڭىزدى كەزەڭى سانالادى.
قازاقستاننىڭ ەىدۇ ۇسىنىمىنا قوسىلۋى حالىقارالىق ستاندارتتارعا, ءارى «ادىلەتتى قازاقستان» قاعيداتتارىنا ساي وزگەرىستەردىڭ بوىلپ جاتقانىن راستايدى.
مەملەكەتتىك قىزمەت ىستەرى اگەنتتىگى اتالعان ۇسىنىمعا قوسىلۋدى مەملەكەتتىك قىزمەت جۇيەسىن ودان ءارى جەتىلدىرۋدىڭ, ادەپ ستاندارتتارىن كۇشەيتۋدىڭ, سىبايلاس جەمقورلىققا قارسى تەتىكتەردى دامىتۋ مەن ازاماتتاردىڭ مەملەكەتتىك ينستيتۋتتارعا دەگەن سەنىمىن ودان ءارى ارتتىرۋدىڭ ءتيىمدى قۇرالى رەتىندە قاراستىرادى.
اگەنتتىك الداعى ۋاقىتتا دا مەملەكەت باسشىسىنىڭ مەملەكەتتىك باسقارۋ جۇيەسىنە وزىق حالىقارالىق تاجىريبەلەردى ەنگىزۋ جانە سىبايلاس جەمقورلىققا مۇلدەم توزبەۋشىلىك مادەنيەتىن قالىپتاستىرۋ جونىندەگى تاپسىرمالارىن تۇراقتى تۇردە ىسكە اسىرۋدى جالعاستىرادى.
سىبايلاس جەمقورلىققا قارسى ءىس-شارالار – ادىلەتتى قوعامعا باستايتىن جول
