قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №38

2014 جىلعى 17 قازان,  استانا قالاسى «قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى «نورماتيۆتiك قۇقىقتىق اكتiلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 29-بابى 1-تارماعىنىڭ 6) تارماقشاسىنا جانە قازاقستان رەسپۋبليكاسى ۇكىمەتىنىڭ 2014 جىلعى 23 قىركۇيەكتەگى № 1003 قاۋلىسىمەن بەكىتىلگەن قازاقستان رەسپۋبليكاسىنىڭ مادەنيەت جانە سپورت مينيسترلىگى تۋرالى ەرەجەسىنە سايكەس بۇيىرامىن: 1. قوسا بەرىلىپ وتىرعان «قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى» مەملەكەتتىك مەكەمەسىنىڭ ەرەجەسى بەكىتىلسىن (بۇدان ءارى - ەرەجە). 2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتىڭ مەملەكەتتىك تىركەۋدەن وتكەننەن كەيىن كۇنتىزبەلىك ون كۇننىڭ ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن; 3) وسى بۇيرىقتىڭ رەسمي جاريالانعاننان كەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاسۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋدى قازاقستان رەسپۋبليكاسى مادەنيەت جانە سپورت ۆيتسە-ءمينيسترى ت.ق. ەسەنتاەۆقا جۇكتەلسىن. 4. وسى بۇيرىق 2014 جىلعى 21 قاراشادان باستاپ قولدانىسقا ەنگىزىلەتىن ەرەجەنىڭ 14-تارماعىنىڭ 9) جانە 10) تارماقشالارىن قوسپاعاندا, العاش رەسمي جاريالانعان كۇنىنەن باستاپ قولدانىسقا ەنگىزىلەدى. مينيستر ا. مۇحامەدي ۇلى. قازاقستان رەسپۋبليكاسى مادەنيەت جانە سپورت ءمينيسترىنىڭ 2014 جىلعى 17 قازانداعى № 38 بۇيرىعىمەن بەكىتىلگەن «قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى» مەملەكەتتىك مەكەمەسىنىڭ ەرەجەسى 1. جالپى ەرەجەلەر 1. «قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى» مەملەكەتتىك مەكەمەسى (بۇدان ءارى - كوميتەت) دەنە شىنىقتىرۋ جانە سپورت, ويىن بيزنەسى سالاسىنداعى سالاارالىق ۇيلەستىرۋدى جانە مەملەكەتتىك باقىلاۋدى جۇزەگە اسىراتىن قازاقستان رەسپۋبليكاسى مادەنيەت جانە سپورت مينيسترلىگىنىڭ (بۇدان ءارى - مينيسترلىك) ۆەدومستۆوسى بولىپ تابىلادى. 2. كوميتەت ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, قازاقستان رەسپۋبليكاسىنىڭ زاڭدارىن, قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىن, وزگە دە نورماتيۆتىك قۇقىقتىق اكتىلەردى, سونداي-اق وسى ەرەجەنى باسشىلىققا الادى. 3. كوميتەت مەملەكەتتىك مەكەمەنىڭ ۇيىمداستىرۋ قۇقىقتىق نىسانىنداعى زاڭدى تۇلعا بولىپ تابىلادى, مەملەكەتتىك تىلدە ءوز اتاۋى جازىلعان ءمورى مەن ءمورتاڭبالارى, بەلگىلەنگەن ۇلگىدەگى بلانكىلەرى, زاڭناماعا سايكەس قازىناشىلىق ورگاندارىندا شوتتارى بولادى. 4. كوميتەت ازاماتتىق-قۇقىقتىق قاتىناستارعا ءوز اتىنان تۇسەدى. ەگەر وعان زاڭناماعا سايكەس ۋاكىلەتتىك بەرىلسە, كوميتەتتىڭ مەملەكەت اتىنان ازاماتتىق-قۇقىقتىق قاتىناستاردىڭ تارابى بولۋعا قۇقىعى بار. 5. كوميتەت ءوز قۇزىرەتىنىڭ ماسەلەلەرى بويىنشا زاڭنامادا بەلگىلەنگەن تارتىپپەن توراعانىڭ نەمەسە ونى اۋىستىرۋشى تۇلعانىڭ بۇيرىقتارىمەن رەسىمدەلەتىن شەشىمدەر قابىلدايدى. 6. كوميتەتتىڭ قۇرىلىمى مەن شتات سانىنىڭ ءليميتى قولدانىستاعى زاڭناماعا سايكەس بەكىتىلەدى. 7. كوميتەتتىڭ زاڭدى مەكەن-جايى: 010000, استانا قالاسى, ەسىل اۋدانى, ورىنبور كوشەسى, № 8 ءۇي, «مينيسترلىكتەر ءۇيى» عيماراتى, 2- كىرەبەرىس. 8. كوميتەتتىڭ تولىق اتاۋى - «قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى» مەملەكەتتىك مەكەمەسى. 9. وسى ەرەجە كوميتەتتىڭ قۇرىلتاي قۇجاتى بولىپ تابىلادى. 10. كوميتەتتىڭ قىزمەتىن قارجىلاندىرۋ رەسپۋبليكالىق بيۋدجەتتەن جۇزەگە اسىرىلادى. 11. كوميتەتكە كاسىپكەرلىك سۋبەكتىلەرىمەن كوميتەتتىڭ فۋنكتسيالارى بولىپ تابىلاتىن مىندەتتەردى ورىنداۋ مانىنە شارتتىق قاتىناستارعا تۇسۋگە تىيىم سالىنادى. ەگەر كوميتەتكە قازاقستان رەسپۋبليكاسىنىڭ زاڭنامالىق اكتىلەرىمەن كىرىستەر اكەلەتىن قىزمەتتى جۇزەگە اسىرۋ قۇقىعى بەرىلسە, وندا مۇنداي قىزمەتتەن الىنعان كىرىستەر بيۋدجەتتىڭ كىرىسىنە جىبەرىلەدى. 2. كوميتەتتىڭ نەگىزگى مىندەتتەرى, فۋنكتسيالارى, قۇقىقتارى مەن مىندەتتەرى 12. مiندەتتەرi: 1) دەنە شىنىقتىرۋ جانە سپورت, ويىن بيزنەسى سالاسىنداعى مەملەكەتتىك ساياساتتى ازىرلەۋگە جانە جۇزەگە اسىرۋعا قاتىسۋ; 2) دەنە شىنىقتىرۋ جانە سپورت سالاسىنداعى سالاارالىق ۇيلەستىرۋدى جۇزەگە اسىرۋ; 3) كوميتەتكە جۇكتەلگەن وزگە دە مiندەتتەر 13. كوميتەتتىڭ فۋنكتسيالارى: 1) ءتيىستى سالالاردا نورماتيۆتىك قۇقىقتىق جانە قۇقىقتىق اكتىلەردى, سونداي-اق كەلىسىمدەردى, مەموراندۋم­داردى جانە كەلىسىم شارتتاردى ازىرلەۋ; 2) دەنە شىنىقتىرۋ جانە سپورت, ويىن بيزنەسى سالاسىنداعى نورماتيۆتىك قۇقىقتىق اكتىلەرگە بەلگىلەنگەن زاڭنامالىق تارتىپتە قۇقىقتىق مونيتورينگ جۇرگىزۋ; 3) كوميتەت ءوز قۇزىرەتى شەگىندە مەملەكەتتىك قىزمەت كورسەتۋ كەزىندە تۇتىنۋشىلاردىڭ قۇقىقتارىن قورعاۋدى قامتاماسىز ەتۋ; 4) كوميتەتتىڭ كادرلىق ساياساتىندا گەندەرلىك تەڭدىك قاعيداتىن ساقتاۋدى قامتاماسىز ەتۋ; 5) كوميتەتتىڭ قۇزىرەتiنە جاتاتىن ماسەلەلەر بويىنشا ءتۇسiندiرۋ جۇمىستارىن جۇزەگە اسىرۋدى قامتاماسىز ەتۋ; 6) كوميتەتتىڭ قۇزىرەتiنە جاتاتىن ماسەلەلەر بويىنشا اقپاراتتىق-ناسيحاتتاۋ iس-شارالارىن جۇزەگە اسىرۋ; 7) زاڭنامادا بەلگىلەنگەن شارتتاردا جانە تارتىپتە اكىمشىلىك قۇقىق بۇزۋشىلىقتار تۋرالى حاتتامالاردى جاساۋ, سونداي-اق اكىمشىلىك قۇقىق بۇزۋشىلىقتار تۋرالى ىستەردى قاراۋ; 8) كوميتەتتىڭ قۇزىرەتىنە جاتاتىن ماسەلەلەر بويىنشا ستراتەگيالىق جانە باعدارلامالىق قۇجاتتاردى ازىرلەۋگە قاتىسۋ; 9) «ويىن بيزنەسى تۋرالى» قازاقستان رەسپۋبليكاسى زاڭىنا جانە قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسىنا سايكەس ويىن بيزنەسى سالاسىنداعى قىزمەتتى ليتسەنزيالاۋدى جۇزەگە اسىرۋ; 10) «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىنا سايكەس لوتەرەيالاردى ۇيىمداستىرۋ جانە وتكىزۋ جونىندەگى قىزمەتتى ليتسەنزيالاۋدى جۇزەگە اسىرۋ; 11) قازاقستان رەسپۋبليكاسى پرەزيدەنتىنىڭ-ەلباسىنىڭ تەستىلەرىن وتكىزۋ قاعيدالارىن ازىرلەۋ; 12) قازاقستان رەسپۋبليكاسىنىڭ اۋماعىندا جانە ودان تىس جەردە وتكىزىلەتىن سپورتتىق ءىس-شارالارعا دايارلانۋى جانە قاتىسۋى كەزىندە سپورتشىلاردى, جاتتىقتىرۋشىلاردى جانە دەنە شىنىقتىرۋ جانە سپورت سالاسىنداعى مامانداردى,بارلىق ساناتتاعى اسكەري قىزمەتشىلەردى جانە قۇقىق قورعاۋ جانە ارنايى مەملەكەتتىك ورگانداردىڭ قىزمەتكەرلەرىن ماتەريالدىق قامتاماسىز ەتۋ ءنورماتيۆىن ازىرلەۋ; 13) حالىقارالىق سپورتتىق جارىستار تىزبەسىن, حالىقارالىق سپورتتىق جارىستاردىڭ چەمپيوندارى مەن جۇلدەگەرلەرىن, سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ (سپورت تۇرلەرىنەن ۇلتتىق قۇراما كوماندالاردىڭ) جاتتىقتىرۋشىلارى مەن مۇشەلەرىن اقشالاي ىنتالاندىرۋ تولەمدەرى قاعيدالارىن ازىرلەيدى, سونداي-اق قازاقستان رەسپۋبليكاسىنىڭ ۇكىمەتىنە ولاردىڭ مولشەرى تۋرالى ۇسىنىس ەنگىزۋ; 14) سپورتشىلار مەن جاتتىقتىرۋشىلارعا ءومىر بويى اي سايىنعى ماتەريالدىق قامسىزداندىرۋدى تولەۋ قاعيدالارىن ازىرلەيدى, قازاقستان رەسپۋبليكاسىنىڭ ۇكىمەتىنە ولاردىڭ مولشەرى تۋرالى ۇسىنىستار ەنگىزەدى جانە ولاردىڭ تولەنۋىن قامتاماسىز ەتۋ; 15) سپورت رەزەرۆىن جانە جوعارى دارەجەلى سپورتشىلاردى دايارلاۋ جۇزەگە اسىرىلاتىن دەنە شىنىقتىرۋ-سپورت ۇيىمدارى ءۇشىن سپورت تۇرلەرى بويىنشا باعدارلامالاردى بەكىتۋ; 16) سپورتتىق فەدەراتسيالاردى اككرەديتتەۋ قاعيدالارىن ازىرلەۋ; 17) بۇقارالىق اقپارات قۇرالدارى سالاسىنداعى ۋاكىلەتتى ورگانمەن كەلىسىم بويىنشا «ۇزدىك سپورت ءجۋرناليسى» اتاعىن بەرۋ قاعيدالارىن ازىرلەۋ; 18) سپورت تۇرلەرىندە پايدالانىلاتىن جانۋارلار مەن قۇستاردىڭ جەم-ازىعى نورماتيۆتەرىن ازىرلەۋ; 19) ويىن بيزنەسىن ۇيىمداستىرۋشىنىڭ «ويىن بيزنەسى تۋرالى» 2007 جىلعى 12 قاڭتارداعى قازاقستان رەسپۋبليكاسىنىڭ زاڭىمەن بەلگىلەنگەن بىلىكتىلىك تالاپتارىنا سايكەستىگىن راستايتىن قۇجاتتاردىڭ تىزبەسى مەن نىساندارىن ازىرلەۋ; 20) ليتسەنزياردىڭ ەلەكتروندىق ءتىزىلىمىن جۇرگىزۋ; 21) سپورت تۇرلەرى بويىنشا قازاقستان رەسپۋبليكاسىنىڭ قۇراما كوماندالارىن (سپورت تۇرلەرى بويىنشا ۇلتتىق قۇراما كوماندالاردى) وليمپيادا, پاراليمپيادا, سۋردليمپيادا ويىندارىنا جانە باسقا دا حالىقارالىق جارىستارعا دايارلاۋ جونىندەگى ۇيىمداستىرۋ كوميتەتتەرىنىڭ قۇرامدارى بويىنشا ۇسىنىس ەنگىزۋ; 22) رەسپۋبليكالىق سپورت مەديتسيناسى ۇيىمدارىنىڭ باسشىلارىن قىزمەتكە تاعايىندايدى جانە قىزمەتىنەن بوساتۋ; 23) ۆەدومستۆولىق ستاتيستيكالىق باقىلاۋلار جۇرگiزۋ; 24) دەنە شىنىقتىرۋ جانە سپورت سالاسىنداعى كادرلاردى دايارلاۋدى, قايتا دايارلاۋدى, ولاردىڭ بiلiكتiلiگiن ارتتىرۋدى ۇيىمداستىرۋ; 25) اككرەديتتەلگەن سپورتتىق فەدەراتسيالارمەن بىرلەسە وتىرىپ, سپورت تۇرلەرى, ونىڭ iشiندە ۇلتتىق, تەحنيكالىق جانە قولدانبالى تۇرلەرى بويىنشا, بۇقارالىق سپورت بويىنشا, سونداي-اق ارداگەر سپورتشىلار اراسىندا رەسپۋبليكالىق جانە حالىقارالىق جارىستار وتكiزۋ; 26) سپورت تۇرلەرى بويىنشا قازاقستان رەسپۋبليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرiن حالىقارالىق سپورتتىق جارىستارعا دايارلاۋدى جانە ولاردىڭ قاتىسۋىن ۇيىمداستىرادى جانە جۇزەگە اسىرۋ; 27) دەنە شىنىقتىرۋ مەن سپورت سالاسىنداعى عىلىمي زەرتتەۋلەردi, ولاردىڭ ناتيجەلەرiن قازاقستان رەسپۋبليكاسىنىڭ زاڭناماسىنا سايكەس دەنە شىنىقتىرۋ جانە سپورت پراكتيكاسىنا ەنگiزۋدi ۇيىمداستىرۋ جانە ۇيلەستiرۋ; 28) سپورتتا دوپينگكە قارسى ءىس-شارالاردى وتكىزۋگە باقىلاۋدى جۇزەگە اسىرۋ; 29) سپورتشىلار مەن جاتتىقتىرۋشىلارعا: «قازاقستان رەسپۋبليكاسىنىڭ ەڭبەك سiڭiرگەن سپورت شەبەرi», «قازاقستان رەسپۋبليكاسىنىڭ حالىقارالىق دارەجەدەگi سپورت شەبەرi», «قازاقستان رەسپۋبليكاسىنىڭ سپورت شەبەرi», «قازاقستان رەسپۋبليكاسىنىڭ ەڭبەك سiڭiرگەن جاتتىقتىرۋشىسى» سپورتتىق اتاقتارىن بەرۋ; 30) بiلiكتiلiگi جوعارى دەڭگەيدەگi جوعارى ساناتتى جاتتىقتىرۋشى, بiلiكتiلiگi ورتا دەڭگەيدەگi جوعارى ساناتتى جاتتىقتىرۋشى, بiلiكتiلiگi جوعارى دەڭگەيدەگi جوعارى ساناتتى ادىسكەر, بiلiكتiلiگi ورتا دەڭگەيدەگi جوعارى ساناتتى ادiسكەر, بiلiكتiلiگi جوعارى دەڭگەيدەگi جوعارى ساناتتى نۇسقاۋشى-سپورتشى, جوعارى ساناتتى ۇلتتىق سپورت تورەشiسi, ۇلتتىق سپورت تورەشiسi بىلىكتىلىك ساناتتارىن بەرۋ; 31) رەسپۋبليكالىق جانە وڭىرلىك سپورتتىق فەدەراتسيالاردى اككرەديتتەۋدi جۇزەگە اسىرۋ; 32) سپورت تۇرلەرى بويىنشا كەشەندى نىسانالى باعدارلامالاردى جانە سپورت ءتۇرى بويىنشا قازاقستان رەسپۋبليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) سپورتشىلارىن دايارلاۋدىڭ جەكە جوسپارلارىن بەكىتۋ; 33) اككرەديتتەلگەن رەسپۋبليكالىق سپورتتىق فەدەراتسيالاردىڭ ۇسىنىسى بويىنشا سپورت تۇرلەرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) قۇرامىن جىل سايىن بەكىتۋ; 34) اككرەديتتەلگەن رەسپۋبليكالىق سپورتتىق فەدەراتسيالارىدىڭ ۇسىنىسى بويىنشا سپورت تۇرلەرi بويىنشا قازاقستان رەسپۋبليكاسى قۇراما كوماندالارىنىڭ (سپورت ءتۇرi بويىنشا ۇلتتىق قۇراما كوماندالارىنىڭ) باس جاتتىقتىرۋشىلارىن جانە مەملەكەتتىك جاتتىقتىرۋشىلاردى لاۋازىمعا تاعايىندايدى جانە لاۋازىمىنان بوساتۋ; 35) سپورت تۇرلەرى بويىنشا قازاقستان رەسپۋبليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرىنە ولاردىڭ حالىقارالىق سپورتتىق جارىستاردا سپورتتىق جاراقاتتار الۋى جانە مەرتىگۋى كەزىندە وتەماقى تولەمدەرىن تولەۋدى جۇزەگە اسىرۋ; 36) سپورت تۇرلەرى بويىنشا قازاقستان رەسپۋبليكاسى قۇراما كوماندالارىنىڭ (سپورت تۇرلەرى بويىنشا ۇلتتىق قۇراما كوماندالاردىڭ) مۇشەلەرىن حالىقارالىق سپورتتىق جارىستارعا دايارلاۋ جانە وعان قاتىسۋ كەزىندە ساقتاندىرۋدى قامتاماسىز ەتۋ; 37) رەسپۋبليكالىق اككرەديتتەلگەن سپورتتىق فەدەراتسيالاردىڭ ۇسىنىستارى بويىنشا سپورتتىق-بۇقارالىق ءىس-شارالاردىڭ بىرىڭعاي رەسپۋبليكالىق كۇنتىزبەسىن بەكىتەدى جانە ونىڭ ىسكە اسىرىلۋىن قامتاماسىز ەتۋ; 38) دەنە شىنىقتىرۋ-ساۋىقتىرۋ جانە سپورت عيماراتتارىنىڭ پايدالانىلۋىن ۇيلەستىرۋ; 39) سپورت مەكتەپتەرىنە, سپورت مەكتەپتەرىنىڭ بولىمشەلەرىنە «مامانداندىرىلعان» دەگەن مارتەبە بەرۋ; 40) دەنە شىنىقتىرۋ- ساۋىقتىرۋ جانە سپورت عيماراتتارىنىڭ ءتىزىلىمىن جۇرگىزۋ; 41) حالىقارالىق جانە رەسپۋبليكالىق سپورتتىق جارىستارىدىڭ ەرەجەلەرىن (رەگلامەنتتەرىن) بەكىتۋ; 42) سپورتتىق ءىس-شارالاردىڭ شىعىستار قۇرىلىمىن بەكىتۋ; 43) حالىقارالىق جانە رەسپۋبليكالىق جارىستاردى وتكىزۋگە ارنالعان سپورتتىق عيماراتتاردى جوبالاۋ ءۇشىن تەحنيكالىق ەرەكشەلىكتەردى جانە تەحنيكالىق تاپسىرمانى اككرەديتتەلگەن رەسپۋبليكالىق سپورت فەدەراتسيالارىمەن كەلىسۋ; 44) ءتيىستى پاراليمپيادالىق, سۋردليمپيادالىق, ارنايى وليمپيادالىق سپورت تۇرلەرى بويىنشا قوعامدىق بىرلەستىكتەر ازىرلەيتىن مۇگەدەكتەرگە ارنالعان دەنە شىنىقتىرۋ- سپورتتىق ۇيىمدارداعى سپورت تۇرلەرى بويىنشا وقۋ-جاتتىعۋ پروتسەسىن, دايارلىق كەزەڭدەرىنىڭ باعدارلاماسىن بەكىتۋ; 45) دەنساۋلىق ساقتاۋ سالاسىنداعى ۋاكىلەتتى ورگانعا سپورتتىق مەديتسينا ۇيىمدارىنىڭ اۋماعىندا شەكتەۋ ءىس-شارالارىن, ونىڭ ىشىندە كارانتين ەنگىزۋ (توقتاتۋ) تۋرالى ۇسىنىستار ەنگىزۋ; 46) سپورت تۇرلەرى بويىنشا قازاقستان رەسپۋبليكاسىنىڭ قۇراما كوماندالارىنىڭ سپورتتىق ءىس-شارالارعا دايارلىعىن مەديتسينالىق قامتاماسىز ەتۋگە قاتىسۋ; 47) حالىقتىڭ فيزيكالىق دامۋ دەڭگەيىن ايقىنداۋ; 48) ويىن بيزنەسىن ۇيىمداستىرۋشىلاردىڭ قازاقستان رەسپۋبليكاسىنىڭ ويىن بيزنەسى تۋرالى زاڭناماسىن ساقتاۋىن, سونداي-اق قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى قازاقستان رەسپۋبليكاسى زاڭناماسىنىڭ ساقتاۋىن باقىلاۋدى جۇزەگە اسىرۋ; 49) ليتسەنزياتتاردىڭ ليتسەنزيادا كورسەتىلگەن تالاپتاردى ساقتاۋىن باقىلاۋ; 50) ءتيىستى سالالاردا قازاقستان رەسپۋبليكاسىنىڭ زاڭناماسىن جەتىلدىرۋ جونىندەگى ۇسىنىستاردى ازىرلەۋ; 51) قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسىنىڭ پرەزيدەنتi مەن ۇكiمەتiنiڭ اكتiلەرiندە كوزدەلگەن وزگە دە فۋنكتسيالاردى جۇزەگە اسىرۋ. 14. قۇقىقتارى مەن مىندەتتەرى: 1) ءوز قۇزىرەتى شەگىندە ورىنداۋعا مىندەتتى نورماتيۆتىك قۇقىقتىق اكتىلەردى قابىلداۋ; 2) مەملەكەتتىك ورگانداردان, ۇيىمداردان, ولاردىڭ لاۋازىمدى ادامدارىنان زاڭنامادا بەلگىلەنگەن تارتىپپەن قاجەتتى اقپاراتتى جانە ماتەريالدى سۇراتۋ جانە الۋ; 3) كوميتەتتىڭ جانىنان كونسۋلتاتيۆتىك-كەڭەسشى ورگانداردى قۇرۋ; 4) قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن وزگە دە قۇقىقتاردى جۇزەگە اسىرۋ. 3. كوميتەتتىڭ قىزمەتىن ۇيىمداستىرۋ 15. كوميتەتكە باسشىلىقتى كوميتەتكە جۇكتەلگەن مىندەتتەردىڭ ورىندالۋىنا جانە ونىڭ فۋنكتسيالارىن جۇزەگە اسىرۋعا دەربەس جاۋاپتى بولاتىن كوميتەتتىڭ ءورازاسى جۇزەگە اسىرادى. 16. قوميتەت توراگاسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپتە قىزمەتكە تاعايىندالادى جانە قىزمەتتەن بوساتالادى 17. كوميتەت توراعاسىنىڭ قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپپەن قىزمەتكە تاعايىندالاتىن جانە قىزمەتتەن بوساتىلاتىن ورىنباسارلارى بولادى. 18. كوميتەت توراعاسى كوميتەتتىڭ جۇمىسىن باسقارۋدى ۇيىمداستىرادى جانە باسشىلىقتى جۇزەگە اسىرادى, كوميتەتكە جۇكتەلگەن مىندەتتەردى ورىنداۋعا جانە ءوز قىزمەتتەرىن جۇزەگە اسىرۋعا دەربەس جاۋاپتى بولادى. 19. كوميتەت توراعاسىنىڭ وكىلەتتىگى: 1) زاڭنامادا بەلگىلەنگەن تارتىپتە كوميتەت قىزمەتكەرلەرىن لاۋازىمعا تاعايىندايدى جانە بوساتادى (كوميتەت توراعاسىنىڭ ورىنباسارلارىن قوسپاعاندا ); 2) مينيسترلىكتىڭ جاۋاپتى حاتشىسىنا كوميتەت توراعاسىنىڭ ورىنباسارلارىن تاعايىنداۋ مەن قىزمەتتەن بوساتۋ تۋرالى, سونداي-اق ولاردى ىنتالاندىرۋ جانە تارتىپتىك جاۋاپتىلىققا تارتۋ تۋرالى ۇسىنىمدار ەنگىزەدى; 3) ءىسساپار, ەڭبەك دەمالىسىن بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلگىن ارتتىرۋ, ىنتالاندىرۋ, ۇستەمەاقىلار تولەۋ جانە سىياقى بەرۋ, سونداي-اق كوميتەت قىزمەتكەرلەرىن (توراعانىڭ ورىنباسارلارىن قوسپاعاندا) تارتىپتىك جاۋاپكەرشىلىككە تارتۋ ماسەلەلەرىن شەشەدى; 4) ءوز قۇزىرەتى شەگىندە بۇيرىقتارعا قول قويادى, كوميتەت, قىزمەتكەرلەرىنىڭ ورىنداۋى مىندەتتى نۇسقاۋلار بەرەدى ; 5) قولدانىستاعى زاڭناماعا سايكەس مەملەكەتتىك ورگانداردا جانە وزگە دە ۇيىمداردا كوميتەتتىڭ اتىنان ارەكەت ەتەدى; 6) كوميتەتتە سىبايلاس جەمقورلىققا قارسى ارەكەتكە باعىتتالعان شارالار قابىلدايدى جانە سىبايلاس جەمقورلىققا قارسى قابىلدانعان شارالارعا دەربەس جاۋاپتى بولادى; 7) ءوزىنىڭ قۇزىرەتىنە جاتاتىن باسقا دا ماسەلەر بويىنشا شەشىم قابىلدايدى. كوميتەت توراعاسى بولماعان كەزەڭدە ونىڭ وكىلەتتىكتەرىن قولدانىستاعى زاڭناماعا سايكەس ونى الماستىراتىن تۇلعا جۇزەگە اسىرادى. 20. كوميتەت توراعاسى ءوز ورىنباسارلارىنىڭ وكىلەتتىكتەرىن قولدانىستاعى زاڭناماعا سايكەس ايقىندايدى. 4. كوميتەتتىڭ مۇلكى. 21. كوميتەتتىڭ زاڭنامادا كوزدەلگەن جاعدايلاردا جەدەل باسقارۋ قۇقىعىندا وقشاۋلانعان مۇلكى بولۋ مۇمكىن. كوميتەتتىڭ مۇلكى وعان مەنشىك يەسى بەرگەن م ۇلىك, سونداي-اق ءوز قىزمەتى ناتيجەسىندە ساتىپ الىنعان م ۇلىك (اقشالاي كىرىستەردى كوسا العاندا) جانە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە كوزدەر ەسەبىنەن قالىپتاستىرىلادى. 22. كوميتەتكە بەكىتىلگەن م ۇلىك رەسپۋبليكالىق مەنشىككە جاتادى. 23. ەگەر زاڭنامادا وزگەشە كوزدەلمەسە, كوميتەتتىڭ وزىنە بەكىتىلگەن م ۇلىكتى جانە قارجىلاندىرۋ جوسپارى بويىنشا وزىنە بولىنگەن قاراجات ەسەبىنەن ساتىپ الىنعان م ۇلىكتى ءوز بەتىمەن يەلىكتەن شىعارۋعا نەمەسە وعان وزگەدەي تاسىلمەن بيلىك ەتۋگە قۇقىعى جوق. 5. كوميتەتتى قايتا ۇيىمداستىرۋ جانە تاراتۋ 24. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 23 قازانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9823 بولىپ ەنگىزىلدى.